ਪਿਛਲੇ ਹਫ਼ਤੇ ਤਾਇਰਾਵਿਟੀ ਵਿੱਚ ਗੋਲੀਬਾਰੀ ਕਰਨ ਤੋਂ ਬਾਅਦ ਇੱਕ ਗਰੋਹ ਦੇ ਦੋ ਮੈਂਬਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਹ ਗਿਰਫਤਾਰੀਆਂ ਉਦੋਂ ਹੋਈਆਂ ਹਨ ਜਦੋਂ ਪੁਲਿਸ ਨੇ ਮੋਂਗਰੇਲ ਮੋਬ ਅਤੇ ਬਲੈਕ ਪਾਵਰ ਦੇ ਮੈਂਬਰਾਂ ਵਿਚਕਾਰ ਵਧ ਰਹੇ ਤਣਾਅ ਨਾਲ ਨਜਿੱਠਣ ਲਈ ਵਿਸ਼ੇਸ਼ ਸ਼ਕਤੀਆਂ ਦੀ ਮੰਗ ਕੀਤੀ ਹੈ। ਇੰਸਪੈਕਟਰ ਡੈਰੇਨ ਪਾਕੀ ਨੇ ਕਿਹਾ ਕਿ ਗਿਸਬੋਰਨ ਅਤੇ ਵਾਈਪੀਰੀਓ ਬੇ ਪਤਿਆਂ ‘ਤੇ ਸਰਚ ਵਾਰੰਟਾਂ ਤੋਂ ਬਾਅਦ ਗ੍ਰਿਫਤਾਰੀਆਂ ਕੀਤੀਆਂ ਗਈਆਂ ਸਨ। ਪਾਕੀ ਨੇ ਕਿਹਾ, “ਦੋ ਗਰੋਹ ਦੇ ਮੈਂਬਰਾਂ ਅਤੇ ਇੱਕ ਹੋਰ ਤੀਜੇ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਸੀ।”
