ਦੇਸ਼ ਲਈ ਮੈਡਲ ਜਿੱਤ ਪੂਰੀ ਦੁਨੀਆ ‘ਚ ਭਾਰਤ ਦਾ ਨਾਮ ਚਮਕਾਉਣ ਵਾਲੇ ਭਾਰਤੀ ਪਹਿਲਵਾਨ ਹੁਣ ਸੜਕ ਤੇ ਗਿੱਲੇ ਗੱਦਿਆਂ ਤੇ ਪੈ ਕੇ ਰਾਤਾਂ ਕੱਟਣ ਲਈ ਮਜ਼ਬੂਰ ਹੋ ਗਏ ਨੇ, ਦਰਅਸਲ ਰਾਜਧਾਨੀ ਦਿੱਲੀ ‘ਚ ਭਾਰਤੀ ਪਹਿਲਵਾਨ ਪਿਛਲੇ ਕੁੱਝ ਸਮੇਂ ਤੋਂ ਜੰਤਰ-ਮੰਤਰ ‘ਤੇ ਲਗਾਤਾਰ ਪ੍ਰਦਰਸ਼ਨ ਕਰ ਰਹੇ ਹਨ। ਅਜਿਹੇ ‘ਚ ਬੀਤੀ ਰਾਤ ਦਿੱਲੀ ‘ਚ ਤੇਜ਼ ਹਨੇਰੀ ਅਤੇ ਮੀਂਹ ਕਾਰਨ ਜੰਤਰ-ਮੰਤਰ ‘ਤੇ ਬੈਠੇ ਪਹਿਲਵਾਨਾਂ ਦੀਆਂ ਮੁਸ਼ਕਿਲਾਂ ਹੋਰ ਵੱਧ ਗਈਆਂ ਤੇਜ਼ ਹਵਾ ਅਤੇ ਮੀਂਹ ਕਾਰਨ ਜੰਤਰ-ਮੰਤਰ ‘ਤੇ ਪ੍ਰਦਰਸ਼ਨ ਕਰ ਰਹੇ ਪਹਿਲਵਾਨਾਂ ਦੇ ਤੰਬੂ ਪੱਟ ਦਿੱਤੇ ਅਤੇ ਮੀਂਹ ਕਾਰਨ ਉਨ੍ਹਾਂ ਦੇ ਗੱਦੇ ਗਿੱਲੇ ਹੋ ਗਏ। ਇਸ ਦੌਰਾਨ ਸਿਸਟਮ ਮਗਰੋਂ ਕੁਦਰਤ ਨਾਲ ਦੋ ਚਾਰ ਹੋ ਰਹੇ ਪਹਿਲਵਾਨਾਂ ਦੀ ਇਹ ਵੀਡੀਓ ਖ਼ੁਦ ਸਾਕਸ਼ੀ ਮਲਿਕ ਨੇ ਟਵੀਟ ਕਰਕੇ ਆਪਣੇ ਸਮਰਥਕਾਂ ਨਾਲ ਸਾਂਝੀ ਕੀਤੀ ਹੈ।
ਸਾਕਸ਼ੀ ਮਲਿਕ ਨੇ ਦੇਰ ਰਾਤ ਇੱਕ ਟਵੀਟ ਵਿੱਚ ਲਿਖਿਆ, ਅੱਜ ਮੀਂਹ ਅਤੇ ਤੂਫ਼ਾਨ ਕਾਰਨ ਸਾਡਾ ਟੈਂਟ ਉਖੜ ਗਿਆ, ਅੱਜ ਰਾਤ ਸਾਨੂੰ ਗਿੱਲੇ ਗੱਦਿਆਂ ‘ਤੇ ਸੌਣਾ ਪਏਗਾ ਪਰ ਅਸੀਂ ਬਚਪਨ ਤੋਂ ਮੁਸ਼ਕਿਲਾਂ ਵੇਖੀਆਂ ਹਨ, ਇਸ ਮੁਸ਼ਕਿਲ ਰਾਤ ਨੂੰ ਵੀ ਕੱਟਣ ਲਈ ਗੁੱਡ ਨਾਈਟ। ਜੰਤਰ-ਮੰਤਰ ‘ਤੇ ਬੈਠੇ ਸਾਡੇ ਸਾਰੇ ਪਹਿਲਵਾਨਾਂ ਵੱਲੋਂ ਸ਼ੁਭ ਰਾਤ।
बारिश और आँधी से आज हमारा टेंट उखड़ गया। गीले गद्दों पर सो रहे हैं आज रात। बचपन से कठिनाइयाँ देखी हैं, ये मुश्किल रात भी कट जाएगी। आप सभी को हम सब जंतर मंतर पर बैठे पहलवानों की तरफ़ से शुभरात्रि। 😊🙏 pic.twitter.com/zkMKeKTQsP
— Sakshee Malikkh (@SakshiMalik) May 25, 2023
ਉੱਥੇ ਹੀ ਇਸ ਸਬੰਧੀ ਇੱਕ ਵੀਡੀਓ ਦਿੱਲੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸਵਾਤੀ ਮਾਲੀਵਾਲ ਦੇ ਵੱਲੋਂ ਵੀ ਸਾਂਝੀ ਕੀਤੀ ਗਈ ਹੈ। ਇਸ ਵੀਡੀਓ ਨੂੰ ਸਾਂਝਾ ਕਰਦਿਆਂ ਉਨ੍ਹਾਂ ਲਿਖਿਆ ਹੈ ਕਿ, ਤੂਫਾਨ ਦੇ ਵਿਚਕਾਰ ਪਹਿਲਵਾਨਾਂ ਦੇ ਪ੍ਰਦਰਸ਼ਨ ਦਾ 34ਵਾਂ ਦਿਨ…..ਵਾਹਿਗੁਰੂ ਮਿਹਰ ਕਰੇ।
आँधी-तूफ़ान के बीच #WrestlersProtest का 34वाँ दिन ….. भगवान दया करे 🙏 pic.twitter.com/776l8OLIT8
— Swati Maliwal (@SwatiJaiHind) May 27, 2023