ਕਸਰਤ ਕਰਨ ਸਮੇਂ ਜ਼ਰੂਰ ਰੱਖੋ ਇਨ੍ਹਾਂ ਗੱਲਾਂ ਦਾ ਧਿਆਨ ! ਜਾਣੋ ਪਹਿਲਾਂ ਤੇ ਬਾਅਦ ‘ਚ ਕੀ ਚਾਹੀਦਾ ਹੈ ਖਾਣਾ !

ਭਾਰ ਘਟਾਉਣ ਲਈ ਡਾਈਟ ਅਤੇ ਜਿਮ ਵਿੱਚ ਪਸੀਨਾ ਵਹਾਉਣਾ ਆਮ ਗੱਲ ਹੈ। ਕਈ ਟਿਪਸ ਅਤੇ ਟ੍ਰਿਕਸ ਦੇ ਕਾਰਨ ਜ਼ਿਆਦਾਤਰ ਲੋਕਾਂ ਵਿੱਚ ਇਹ ਭੰਬਲਭੂਸਾ ਬਣਿਆ ਰਹਿੰਦਾ ਹੈ ਕਿ ਵਰਕਆਊਟ ਤੋਂ ਪਹਿਲਾਂ ਅਤੇ ਬਾਅਦ ਵਿੱਚ ਕੀ ਖਾਣਾ ਚਾਹੀਦਾ ਹੈ ਅਤੇ ਕੀ ਨਹੀਂ। ਕਸਰਤ ਦੇ ਨਾਲ-ਨਾਲ ਖੁਰਾਕ ਦਾ ਧਿਆਨ ਰੱਖ ਕੇ ਮਾਸਪੇਸ਼ੀਆਂ ਅਤੇ ਹੱਡੀਆਂ ਨੂੰ ਮਜ਼ਬੂਤ ​​ਬਣਾਇਆ ਜਾ ਸਕਦਾ ਹੈ। ਕੀ ਤੁਸੀਂ ਵੀ ਜਿਮ ਦੀ ਰੁਟੀਨ ਨੂੰ ਫਾਲੋ ਕਰਦੇ ਹੋ, ਤਾਂ ਤੁਹਾਡੇ ਲਈ ਇਹ ਜਾਣਨਾ ਜ਼ਰੂਰੀ ਹੈ ਕਿ ਕੀ ਖਾਣਾ ਹੈ ਅਤੇ ਕੀ ਨਹੀਂ। ਇਸ ਵਿੱਚ, ਕੀ, ਕਦੋਂ ਅਤੇ ਕਿੰਨਾ ਕੁ ਦੇ ਨਿਯਮ ‘ਤੇ ਧਿਆਨ ਦੇਣਾ ਚਾਹੀਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਪ੍ਰੀ ਅਤੇ ਪ੍ਰੋ ਵਰਕਆਊਟ ਡਾਈਟ ਲਈ ਸਾਨੂੰ ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।

ਕਸਰਤ ਤੋਂ ਪਹਿਲਾਂ ਕੀ ਖਾਣਾ ਹੈ?

ਸਵੇਰ ਦੀ ਕਸਰਤ ਲਈ ਸੁਝਾਅ: ਜੋ ਲੋਕ ਸਵੇਰੇ ਇੱਕ ਘੰਟੇ ਤੋਂ ਘੱਟ ਸਮੇਂ ਦੀ ਕਸਰਤ ਦੀ ਰੁਟੀਨ ਦੀ ਪਾਲਣਾ ਕਰਦੇ ਹਨ, ਉਨ੍ਹਾਂ ਨੂੰ ਕਸਰਤ ਤੋਂ ਪਹਿਲਾਂ ਇੱਕ ਗਲਾਸ ਪਾਣੀ ਪੀਣਾ ਚਾਹੀਦਾ ਹੈ। ਇਹ ਫੈਟ ਬਰਨ ਕਰਨ ਵਿੱਚ ਮਦਦ ਕਰਦਾ ਹੈ। ਕਈ ਖੋਜਾਂ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਜੋ ਲੋਕ ਨਾਸ਼ਤੇ ਤੋਂ ਪਹਿਲਾਂ ਵਰਕਆਊਟ ਕਰਦੇ ਹਨ, ਉਹ ਤੇਜ਼ੀ ਨਾਲ ਭਾਰ ਘਟਾਉਣ ਦੇ ਯੋਗ ਹੁੰਦੇ ਹਨ।

ਦਰਮਿਆਨੀ ਕਸਰਤ: ਜੇਕਰ ਤੁਹਾਡੀ ਕਸਰਤ ਦੀ ਰੁਟੀਨ ਮੱਧਮ ਹੈ ਤਾਂ ਤੁਹਾਨੂੰ ਛੋਟੇ ਸਨੈਕਸ ਖਾਣੇ ਚਾਹੀਦੇ ਹਨ। ਕਈ ਵਾਰ ਸਰੀਰ ਵਿੱਚ ਊਰਜਾ ਦੀ ਕਮੀ ਦੇ ਕਾਰਨ ਅਸੀਂ ਠੀਕ ਤਰ੍ਹਾਂ ਨਾਲ ਵਰਕਆਊਟ ਨਹੀਂ ਕਰ ਪਾਉਂਦੇ ਹਾਂ। ਇਸ ਲਈ ਛੋਟੇ ਸਨੈਕਸ ਦਾ ਸੇਵਨ ਜ਼ਰੂਰ ਕਰਨਾ ਚਾਹੀਦਾ ਹੈ।

10 ਤੋਂ 15 ਮਿੰਟ ਦੀ ਵਰਕਆਊਟ ਲਈ ਟਿਪ: ਜੇਕਰ ਤੁਸੀਂ ਸਿਰਫ 10 ਤੋਂ 15 ਮਿੰਟ ਦੀ ਵਰਕਆਊਟ ਕਰਦੇ ਹੋ ਤਾਂ ਇਸ ਦੇ ਲਈ ਤੁਹਾਨੂੰ ਅਜਿਹੀ ਛੋਟੀ ਖੁਰਾਕ ਲੈਣੀ ਚਾਹੀਦੀ ਹੈ ਜਿਸ ਵਿੱਚ ਪਚਣਯੋਗ ਕਾਰਬੋਹਾਈਡ੍ਰੇਟਸ ਹੋਣ। ਇਸ ਦੇ ਲਈ ਤੁਸੀਂ ਫਲਾਂ ਦਾ ਜੂਸ, ਕੇਲਾ ਜਾਂ ਸੁੱਕਾ ਸੇਰੇਲਕ ਵੀ ਲੈ ਸਕਦੇ ਹੋ। ਵਰਕਆਊਟ ਤੋਂ ਪਹਿਲਾਂ 200 ਕੈਲੋਰੀ ਵਾਲਾ ਭੋਜਨ ਤੁਹਾਨੂੰ ਊਰਜਾਵਾਨ ਰੱਖੇਗਾ।

ਸ਼ਾਮ ਨੂੰ ਕਸਰਤ : ਜੇਕਰ ਤੁਸੀਂ ਦੇਰ ਸ਼ਾਮ ਕਸਰਤ ਕਰਦੇ ਹੋ, ਤਾਂ ਤੁਹਾਨੂੰ 100 ਤੋਂ 200 ਕੈਲੋਰੀ ਦੀ ਖਪਤ ਕਰਨੀ ਚਾਹੀਦੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਤੁਹਾਨੂੰ ਇਸ ਤਰ੍ਹਾਂ ਦੀ ਖੁਰਾਕ ਕੁਝ ਘੰਟੇ ਪਹਿਲਾਂ ਹੀ ਲੈਣੀ ਚਾਹੀਦੀ ਹੈ। ਵਰਕਆਊਟ ਤੋਂ ਪਹਿਲਾਂ ਹਾਈਡਰੇਸ਼ਨ ਦਾ ਵੀ ਧਿਆਨ ਰੱਖਣਾ ਚਾਹੀਦਾ ਹੈ। ਤੁਸੀਂ ਬ੍ਰਾਊਨ ਰਾਈਸ, ਫਲ ਜਾਂ ਟੋਸਟ ਖਾ ਸਕਦੇ ਹੋ।

ਕਸਰਤ ਤੋਂ ਬਾਅਦ ਕੀ ਖਾਣਾ ਹੈ
ਜੇਕਰ ਤੁਸੀਂ 60 ਤੋਂ 90 ਮਿੰਟ ਦੀ ਕਸਰਤ ਕਰਦੇ ਹੋ ਤਾਂ ਉਸ ਤੋਂ ਬਾਅਦ ਹਰ ਘੰਟੇ 30 ਤੋਂ 60 ਗ੍ਰਾਮ ਕਾਰਬੋਹਾਈਡ੍ਰੇਟ ਦਾ ਸੇਵਨ ਕਰੋ। ਕਸਰਤ ਤੋਂ ਬਾਅਦ ਕਾਰਬੋਹਾਈਡਰੇਟ, ਪ੍ਰੋਟੀਨ ਅਤੇ Fats ਲਓ। ਕਸਰਤ ਕਰਨ ਤੋਂ ਤੁਰੰਤ ਬਾਅਦ ਪ੍ਰੋਟੀਨ ਸ਼ੇਕ, ਆਂਡਾ ਅਤੇ ਪ੍ਰੋਟੀਨ ਬਾਰ ਖਾਓ। ਕਸਰਤ ਕਰਨ ਤੋਂ ਬਾਅਦ 30 ਮਿੰਟਾਂ ਦੇ ਅੰਦਰ ਕਾਰਬੋਹਾਈਡਰੇਟ ਲਓ। ਫਿਰ ਚਰਬੀ ਲਓ ਅਤੇ ਹਾਈਡ੍ਰੇਸ਼ਨ ਦਾ ਵੀ ਧਿਆਨ ਰੱਖੋ।