ਉਪ ਪ੍ਰਧਾਨ ਮੰਤਰੀ ਨੇ ਪੁਸ਼ਟੀ ਕੀਤੀ ਹੈ ਕਿ ਵਾਇਕਾਟੋ ਦਾ ਅੱਪਰ ਹੌਰਾਕੀ (upper Hauraki) ਖੇਤਰ ਸ਼ੁੱਕਰਵਾਰ ਰਾਤ 11.59 ਵਜੇ ਤੋਂ ਅਲਰਟ ਲੈਵਲ 2 ‘ਤੇ ਆ ਜਾਵੇਗਾ। ਰਿਮਾਂਡ ਕੈਦੀ ਅਤੇ ਉਸ ਦੇ ਤਿੰਨ ਪਰਿਵਾਰਕ ਸੰਪਰਕਾਂ ਨੂੰ ਕੋਵਿਡ -19 ਸਕਾਰਾਤਮਕ ਪਾਏ ਜਾਣ ਤੋਂ ਬਾਅਦ ਸੋਮਵਾਰ ਨੂੰ ਇਸ ਖੇਤਰ ਨੂੰ ਹਾਈ ਅਲਰਟ ‘ਤੇ ਰੱਖਿਆ ਗਿਆ ਸੀ। ਨਤੀਜੇ ਵਜੋਂ, ਖੇਤਰ ਨੂੰ ਬੇਸਪੋਕ ਅਲਰਟ ਲੈਵਲ 3 ਪ੍ਰਬੰਧ ਵਿੱਚ ਰੱਖਿਆ ਗਿਆ ਸੀ।
ਗ੍ਰਾਂਟ ਰੌਬਰਟਸਨ ਨੇ ਕਿਹਾ ਕਿ ਅਲਰਟ ਲੈਵਲ 2 ਵੱਲ ਜਾਣਾ “ਅੱਪਰ ਹੌਰਾਕੀ ਭਾਈਚਾਰੇ ਦੇ incredible ਹੁੰਗਾਰੇ” ਕਾਰਨ ਸੁਰੱਖਿਅਤ ਹੈ। ਉੱਥੇ ਹੀ ਸੋਮਵਾਰ ਤੋਂ ਇਸ ਖੇਤਰ ਵਿੱਚ 1000 ਤੋਂ ਵੱਧ ਟੈਸਟ ਕੀਤੇ ਜਾ ਚੁੱਕੇ ਹਨ। ਰੌਬਰਟਸਨ ਨੇ ਕਿਹਾ ਕਿ ਰਿਮਾਂਡ ਕੈਦੀ ਦੇ ਪਰਿਵਾਰ ਨੂੰ ਛੱਡ ਕੇ, ਸਭ ਦੀ ਰਿਪੋਰਟ ਨਕਾਰਾਤਮਕ (ਨੈਗੇਟਿਵ ) ਆਈ ਹੈ।