ਆਕਲੈਂਡ ਅਤੇ ਸਾਊਥਲੈਂਡ ਵਿੱਚ ਬੀਤੀ ਰਾਤ ਵੱਖ-ਵੱਖ ਸਿੰਗਲ-ਵਾਹਨ ਹਾਦਸਿਆਂ ਵਿੱਚ ਦੋ ਲੋਕਾਂ ਦੀ ਮੌਤ ਹੋ ਗਈ ਹੈ। ਪੁਲਿਸ ਨੇ ਰਾਤ 8.35 ਵਜੇ ਦੇ ਕਰੀਬ ਸਾਊਥਲੈਂਡ ਵਿੱਚ ਮੈਕਮੈਨਸ ਰੋਡ ਅਤੇ ਕੁਆਰੀ ਹਿਲਜ਼ ਫੋਰਟੀਫਿਕੇਸ਼ਨ ਰੋਡ ਦੇ ਵਿਚਕਾਰ ਨਿਆਗਰਾ-ਟੋਕਾਨੁਈ ਹਾਈਵੇਅ ‘ਤੇ ਇੱਕ ਯੂਟ ਦੇ ਪਲਟਣ ਦੀਆਂ ਰਿਪੋਰਟਾਂ ਦਾ ਜਵਾਬ ਦਿੱਤਾ ਸੀ। ਇੱਕ ਬੁਲਾਰੇ ਨੇ ਕਿਹਾ, “ਦੁੱਖ ਦੀ ਗੱਲ ਹੈ ਕਿ ਇੱਕ ਵਿਅਕਤੀ ਦੀ ਮੌਕੇ ‘ਤੇ ਮੌਤ ਹੋ ਗਈ ਹੈ।” ਇਸ ਦੌਰਾਨ ਸਵੇਰੇ 4.30 ਵਜੇ ਦੇ ਕਰੀਬ, ਆਕਲੈਂਡ ਵਿੱਚ ਹੈਲਨਸਵਿਲੇ ਦੇ ਉੱਤਰ-ਪੱਛਮ ਵਿੱਚ ਸਾਊਥ ਹੈੱਡ ਰੋਡ ‘ਤੇ ਇੱਕ ਸਿੰਗਲ-ਵਾਹਨ ਹਾਦਸਿਆਂ ਮਗਰੋਂ ਐਮਰਜੈਂਸੀ ਸੇਵਾਵਾਂ ਨੂੰ ਬੁਲਾਇਆ ਗਿਆ ਸੀ। ਦੋਵਾਂ ਹਾਦਸਿਆਂ ਦੇ ਹਾਲਾਤਾਂ ਦੀ ਪੁੱਛਗਿੱਛ ਜਾਰੀ ਹੈ।
