ਪਾਵਰ ਕੰਪਨੀ ਵੈਕਟਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਵੱਲੋਂ ਤੇਜ਼ ਹਵਾਵਾਂ ਅਤੇ ਭਾਰੀ ਮੀਂਹ ਦੀ ਇੱਕ ਹੋਰ ਰਾਤ ਤੋਂ ਬਾਅਦ ਮੌਸਮ ਤੋਂ ਪ੍ਰਭਾਵਿਤ ਘਰਾਂ ਵਿੱਚ ਬਿਜਲੀ ਬਹਾਲ ਕਰਨ ਲਈ ਕੰਮ ਕੀਤਾ ਜਾ ਰਿਹਾ ਹੈ। ਆਕਲੈਂਡ ਦੇ ਉੱਤਰ, ਪੂਰਬ ਅਤੇ ਪੱਛਮ ਸਮੇਤ ਪੂਰੇ ਆਕਲੈਂਡ ਵਿੱਚ ਵਿਆਪਕ ਤੌਰ ‘ਤੇ ਆਊਟੇਜ ਨਾਲ ਬਿਜਲੀ ਨੈੱਟਵਰਕ ਪ੍ਰਭਾਵਿਤ ਹੋਇਆ ਸੀ। ਉਨ੍ਹਾਂ ਅੱਗੇ ਕਿਹਾ ਕਿ, “ਸਵੇਰੇ 10 ਵਜੇ ਤੱਕ, ਮੰਗਲਵਾਰ ਰਾਤ ਦੇ ਮੀਂਹ ਤੋਂ ਬਾਅਦ ਲਗਭਗ 3,000 ਘਰ ਅਤੇ ਕਾਰੋਬਾਰ ਬਿਜਲੀ ਤੋਂ ਬਿਨਾਂ ਸਨ। ਇਹ ਸੰਖਿਆ ਲਗਾਤਾਰ ਬਦਲਦੀ ਰਹੇਗੀ ਕਿਉਂਕਿ ਅਸੀਂ ਗਾਹਕਾਂ ਨੂੰ ਬਿਜਲੀ ਬਹਾਲ ਕਰਨ ਲਈ ਕੰਮ ਕਰ ਰਹੇ ਹਾਂ ਪਰ ਜ਼ਮੀਨੀ ਸਥਿਤੀਆਂ ਅਤੇ ਅਸਥਿਰਤਾ ਨੂੰ ਦੇਖਦੇ ਹੋਏ, ਅਸੀਂ ਦਿਨ ਭਰ ਹੋਰ ਘਟਨਾਵਾਂ ਦੀ ਉਮੀਦ ਕਰਦੇ ਹਾਂ।” ਰਾਤੋ-ਰਾਤ ਰਿਕਾਰਡ ਕੀਤੇ ਗਏ ਆਊਟੇਜ ਵਿੱਚੋਂ ਜ਼ਿਆਦਾਤਰ ਅਸਥਿਰ ਜ਼ਮੀਨੀ ਸਥਿਤੀਆਂ ਦੇ ਨਤੀਜੇ ਵਜੋਂ ਸਨ ਜੋ ਜ਼ਮੀਨ ਖਿਸਕਣ ਜਾ ਦਰੱਖਤ ਡਿੱਗਣ ਕਾਰਨ ਸਨ।
