“ਸੰਭਾਵੀ ਵਿਸਫੋਟਕ ਖ਼ਤਰੇ” ਦਾ ਪਤਾ ਲੱਗਣ ਤੋਂ ਬਾਅਦ ਟੌਰੰਗਾ ਦੀ ਇੱਕ ਇਮਾਰਤ ਨੂੰ ਖਾਲੀ ਕਰਵਾ ਲਿਆ ਗਿਆ ਹੈ। ਇੱਕ ਬੁਲਾਰੇ ਨੇ ਦੱਸਿਆ ਕਿ ਪੁਲਿਸ ਨੂੰ ਸਵੇਰੇ 10.45 ਵਜੇ ਦੇ ਕਰੀਬ ਟੌਰੀਕੋ ਵਿੱਚ ਵ੍ਹਿਓਰ ਐਵੇਨਿਊ ਸਥਿਤ ਵਪਾਰਕ ਇਮਾਰਤ ਵਿੱਚ ਬੁਲਾਇਆ ਗਿਆ ਸੀ। ਬੁਲਾਰੇ ਨੇ ਕਿਹਾ, “ਹਥਿਆਰਾਂ ਦੀ ਜਾਂਚ ਕਰਦੇ ਸਮੇਂ, ਕਸਟਮ ਸਟਾਫ ਨੇ ਕੁਝ ਅਜਿਹੀਆਂ ਚੀਜ਼ਾਂ ਲੱਭੀਆਂ ਸਨ ਜੋ ਸੰਭਾਵੀ ਵਿਸਫੋਟਕ ਖਤਰੇ ਪੈਦਾ ਕਰ ਸਕਦੀਆਂ ਹਨ। ਨਤੀਜੇ ਵਜੋਂ, ਇਮਾਰਤ ਨੂੰ ਖਾਲੀ ਕਰਵਾ ਲਿਆ ਗਿਆ ਸੀ ਅਤੇ ਇਮਾਰਤ ਨੂੰ ਸੁਰੱਖਿਅਤ ਕਰਨ ਲਈ ਪੁਲਿਸ ਘੇਰਾਬੰਦੀ ਕੀਤੀ ਗਈ ਸੀ।” ਬੁਲਾਰੇ ਨੇ ਦੱਸਿਆ ਕਿ ਡਿਫੈਂਸ ਫੋਰਸ ਦਾ ਸਟਾਫ ਮੌਕੇ ‘ਤੇ ਮੌਜੂਦ ਸੀ। Whiore Ave ਇੱਕ ਉਦਯੋਗਿਕ ਖੇਤਰ ਹੈ ਜਿਸ ਦੇ ਅੰਦਰ ਕਈ ਇਮਾਰਤਾਂ ਹਨ।
