ਇਸ ਹਫਤੇ ਆਕਲੈਂਡ ਵਿੱਚ ਕਈ ਵਾਰ ਹੋਈ ਗੋਲੀਬਾਰੀ ਤੋਂ ਬਾਅਦ ਹੁਣ ਸੱਤ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਬਹੁਤ ਸਾਰੇ ਹਥਿਆਰ ਅਤੇ ਗੋਲਾ ਬਾਰੂਦ ਵੀ ਜ਼ਬਤ ਕੀਤਾ ਗਿਆ ਹੈ। ਹਥਿਆਰ, ਨਸ਼ੀਲੇ ਪਦਾਰਥਾਂ ਅਤੇ ਜ਼ਮਾਨਤ ਦੇ ਜੁਰਮਾਂ ਵਿੱਚ ਸੱਤ ਵਿਅਕਤੀਆਂ ਵਿਰੁੱਧ 10 ਦੋਸ਼ ਲਾਏ ਗਏ ਹਨ। ਕਾਉਂਟੀਜ਼ ਮੈਨੂਕਾਉ ਕਮਾਂਡਰ ਸੁਪਰਡੈਂਟ ਜਿਲ ਰੋਜਰਸ ਨੇ ਕਿਹਾ ਕਿ ਪੁਲਿਸ ਖੇਤਰ ਵਿੱਚ ਗੈਂਗ ਗਤੀਵਿਧੀਆਂ ਦੀ ਜਾਂਚ ਅਤੇ disrupt ਕਰਨਾ ਜਾਰੀ ਰੱਖੇਗੀ।
ਪਿਛਲੇ ਹਫ਼ਤੇ ਆਕਲੈਂਡ ਵਿੱਚ ਗੋਲੀਬਾਰੀ ਦੀਆਂ ਅੱਠ ਘਟਨਾਵਾਂ ਦੀ ਪੁਸ਼ਟੀ ਹੋਈ ਹੈ। ਮੈਨੁਕਾਊ ਕੌਂਸਲਰ ਅਤੇ ਮੈਂਗੇਰੇ ਬ੍ਰਿਜ ਦੇ ਸਾਬਕਾ ਕਾਂਸਟੇਬਲ ਅਲਫ ਫਿਲੀਪਾਇਨਾ ਨੇ ਬੁੱਧਵਾਰ ਨੂੰ ਆਪਣੇ ਇੱਕ ਬਿਆਨ ‘ਚ ਕਿਹਾ ਕਿ ਉਹ ਹਾਲ ਹੀ ਦੇ ਦਿਨਾਂ ਵਿੱਚ ਆਕਲੈਂਡ ਵਿੱਚ ਹੋਈਆਂ ਗੋਲੀਬਾਰੀ ਦੀ ਘਟਨਾਵਾਂ ਤੋਂ ਚਿੰਤਤ ਸੀ। ਉਨ੍ਹਾਂ ਕਿਹਾ ਕਿ ਇਹ ਸਭ ਤੋਂ ਵੱਧ ਹੈ ਜੋ ਮੈਂ ਕਦੇ ਦੇਖਿਆ ਹੈ, ਇੱਥੋਂ ਤੱਕ ਕਿ ਪੁਲਿਸ ਵਿੱਚ ਮੇਰੇ ਕਰੀਅਰ ਵਿੱਚ ਵੀ।”