ਮੰਗਲਵਾਰ ਨੂੰ ਆਕਲੈਂਡ ਦੀ ਸੀਨੀਅਰ ਪੁਲਿਸ ਲੀਡਰਸ਼ਿਪ ਟੀਮ ਟਾਕਾਨਿਨੀ ਗੁਰੂਘਰ ਦਾ ਵਿਸ਼ੇਸ਼ ਦੌਰਾ ਕਰਨ ਪਹੁੰਚੀ ਸੀ। ਈਸਟ ਆਕਲੈਂਡ ਤੋਂ ਸੀਨੀਅਰ ਪੁਲਿਸ ਲੀਡਰਸ਼ਿਪ ਟੀਮ ਨੇ ਸਿੱਖ ਧਰਮ ਬਾਰੇ ਜਾਣਕਾਰੀ ਹਾਸਿਲ ਕਰਨ ਲਈ ਟਾਕਾਨਿਨੀ ਗੁਰਦੁਆਰਾ ਸਾਹਿਬ ਦਾ ਦੌਰਾ ਕੀਤਾ ਹੈ। ਇਸ ਟੀਮ ‘ਚ ਇੰਸਪੈਕਟਰ ਰੌਡਨੀ ਹੋਨਨ (ਏਰੀਆ ਕਮਾਂਡਰ ਈਸਟ) ਅਤੇ ਇੰਸਪੈਕਟਰ ਰਕਾਨਾ ਕੁੱਕ (ਏਰੀਆ ਪ੍ਰੀਵੈਨਸ਼ਨ ਮੈਨੇਜਰ ਈਸਟ) ਸ਼ਾਮਿਲ ਸਨ। ਉਨ੍ਹਾਂ ਦੀ ਅਗਵਾਈ ਵਿੱਚ ਟੀਮ ਨੇ ਬੱਚਿਆਂ ਦੀ ਦੇਖਭਾਲ, ਖੇਡ ਕੰਪਲੈਕਸ ਅਤੇ ਸਕੂਲ ਦੀਆਂ ਸਹੂਲਤਾਂ ਦੀ ਪੜਚੋਲ ਕੀਤੀ ਅਤੇ ਸਿੱਖ ਧਰਮ ਦੀ ਡੂੰਘੀ ਸਮਝ ਨੂੰ ਵਧਾਉਣ ਲਈ ਵਿਚਾਰ-ਵਟਾਂਦਰੇ ਕੀਤੇ। ਸੀਨੀਅਰ ਸਾਰਜੈਂਟ ਅਤੇ ਹੋਰ ਕਾਂਸਟੇਬਲਰੀ ਸਟਾਫ ਵੀ ਇਸ ਦੌਰੇ ਦਾ ਹਿੱਸਾ ਸਨ।
