ਮੰਥਨ, ਚੱਕਰ, ਕਲਿਯੁਗ, ਸਾਰੰਸ਼, ਤ੍ਰਿਕਾਲ ਸਦਮਾ, ਡਰੋਹੀ, ਮੋਹਨ ਜੋਸ਼ੀ ਹਾਗਰ ਹੋ, ਸਰਦਾਰੀ ਬੇਗਮ, ਕੋਇਲਾ, ਸਿਪਾਹੀ ਵਰਗੀਆਂ ਕਈ ਫਿਲਮਾਂ ਵਿੱਚ ਅਦਾਕਾਰੀ ਦੀ ਦੁਨੀਆ ਵਿੱਚ ਆਪਣੀ ਪਛਾਣ ਬਣਾਉਣ ਵਾਲੇ ਅਦਾਕਾਰ Salim Ghouse ਦੀ ਬੁੱਧਵਾਰ ਤੋਂ ਵੀਰਵਾਰ ਦੀ ਰਾਤ ਦੌਰਾਨ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ ਹੈ।
ਸਲੀਮ ਘੋਸ਼ ਦੀ ਪਤਨੀ ਅਨੀਤਾ ਸਲੀਮ ਘੋਸ਼ ਨੇ ਉਨ੍ਹਾਂ ਦੀ ਮੌਤ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ, “ਬੀਤੀ ਦੇਰ ਰਾਤ ਤੱਕ ਉਹ ਬਿਲਕੁਲ ਠੀਕ ਲੱਗ ਰਹੇ ਸੀ। ਉਨ੍ਹਾਂ ਨੇ ਆਪਣਾ ਸਾਰਾ ਕੰਮ ਖਤਮ ਕੀਤਾ ਅਤੇ ਫਿਰ ਖਾਣਾ ਵੀ ਖਾਧਾ। ਪਰ ਫਿਰ ਅਚਾਨਕ ਉਹ ਬਹੁਤ ਬੇਚੈਨੀ ਮਹਿਸੂਸ ਕਰਨ ਲੱਗੇ। ਜਿਸ ਮਗਰੋਂ ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ। ਮੁੰਬਈ ਦੇ ਅੰਧੇਰੀ ਸਥਿਤ ਕੋਕਿਲਾਬੇਨ ਧੀਰੂਭਾਈ ਅੰਬਾਨੀ ਹਸਪਤਾਲ ‘ਚ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ।ਦਿਲ ਦਾ ਦੌਰਾ ਪੈਣ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ।”
ਹਿੰਦੀ, ਤਾਮਿਲ ਅਤੇ ਕਈ ਹੋਰ ਭਾਸ਼ਾਵਾਂ ਵਿੱਚ ਕੰਮ ਕਰਨ ਤੋਂ ਇਲਾਵਾ, ਸਲੀਮ ਘੋਸ਼ ਨੇ ਯੇ ਜੋ ਹੈ ਜ਼ਿੰਦਗੀ, ਸੁਬਾਹ, ਭਾਰਤ ਏਕ ਖੋਜ, ਸੰਵਿਧਾਨ ਵਰਗੇ ਟੀਵੀ ਸ਼ੋਅ ਵਿੱਚ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਸਨ। ਸਲੀਮ ਘੋਸ਼ ਟੀਵੀ ਇੰਡਸਟਰੀ ਵਿੱਚ ਵੀ ਕੰਮ ਕਰ ਚੁੱਕੇ ਹਨ। ਉਹ ਟੀਵੀ ਇੰਡਸਟਰੀ ਦਾ ਮਸ਼ਹੂਰ ਚਿਹਰਾ ਸਨ।