ਨਿਊਜ਼ੀਲੈਂਡ ਸਰਕਾਰ ਨੇ ਓਵਰਸੀਜ਼ ਇਨਵੈਸਟਮੈਂਟ ਐਕਟ ‘ਚ ਵੱਡਾ ਬਦਲਾਅ ਕਰ ਦਿੱਤਾ ਹੈ। ਐਸੋਸੀਏਟ ਵਿੱਤ ਮੰਤਰੀ ਡੇਵਿਡ ਸੀਮੌਰ ਨੇ ਬੀਤੇ ਦਿਨ ਐਲਾਨ ਕੀਤਾ ਕਿ ਸਰਕਾਰ ਓਵਰਸੀਜ਼ ਇਨਵੈਸਟਮੈਂਟ ਐਕਟ ਰਾਹੀਂ ਨਿਵੇਸ਼ਾਂ ਲਈ 15 ਦਿਨਾਂ ਦੇ ਅੰਦਰ ਫੈਸਲੇ ਲੈਣ ਦਾ ਅਧਿਕਾਰ ਦਿੱਤਾ ਹੈ, ਜਦੋਂ ਤੱਕ ਕਿ ਅਰਜ਼ੀ ਨਿਊਜ਼ੀਲੈਂਡ ਦੇ ਰਾਸ਼ਟਰੀ ਹਿੱਤਾਂ ਦੇ ਉਲਟ ਨਾ ਹੋਵੇ। ਇਹ ਬਦਲਾਅ ਸਰਕਾਰ ਨੂੰ ਉਸ ਦੁਰਲੱਭ ਮੌਕੇ ‘ਤੇ ਦਖਲ ਦੇਣ ਦੀ ਵਧੇਰੇ ਸ਼ਕਤੀ ਵੀ ਦੇਵੇਗਾ ਕਿ ਕੋਈ ਲੈਣ-ਦੇਣ ਰਾਸ਼ਟਰੀ ਹਿੱਤ ਵਿੱਚ ਨਾ ਹੋਵੇ ਅਤੇ ਲੈਂਡ ਇਨਫਰਮੇਸ਼ਨ ਨਿਊਜ਼ੀਲੈਂਡ ਨੂੰ ਮੰਤਰੀਆਂ ਨੂੰ ਸ਼ਾਮਿਲ ਕੀਤੇ ਬਿਨਾਂ ਸਹਿਮਤੀ ਦੇਣ ਲਈ ਵਧੇਰੇ ਤਾਕਤ ਦੇਵੇਗਾ। ਸੀਮੌਰ ਨੇ ਕਿਹਾ ਕਿ ਇਸ ਬਦਲਾਅ ਨਾਲ ਨਿਊਜ਼ੀਲੈਂਡ ਦੇ ਕਾਰੋਬਾਰਾਂ ਲਈ ਨਵਾਂ ਨਿਵੇਸ਼ ਪ੍ਰਾਪਤ ਕਰਨਾ, ਵਧਣਾ ਅਤੇ ਵੱਧ ਤਨਖਾਹ ਦੇਣਾ ਆਸਾਨ ਹੋ ਜਾਵੇਗਾ। ਦੱਸ ਦੇਈਏ ਕੈਬਨਿਟ ਨੇ ਰਿਹਾਇਸ਼ੀ ਜ਼ਮੀਨ, ਖੇਤੀਬਾੜੀ ਜ਼ਮੀਨ ਅਤੇ ਮੱਛੀ ਫੜਨ ਦੇ ਕੋਟੇ ਲਈ ਮੌਜੂਦਾ ਸੁਰੱਖਿਆ ਨੂੰ ਬਰਕਰਾਰ ਰੱਖਦੇ ਹੋਏ, ਇਹਨਾਂ ਨਿਵੇਸ਼ਾਂ ਲਈ ਰੁਕਾਵਟਾਂ ਨੂੰ ਹਟਾਉਣ ਲਈ ਸਹਿਮਤੀ ਦਿੱਤੀ ਹੈ। ਯਾਨੀ ਕਿ ਸਰਕਾਰ ਨੇ ਓਵਰਸੀਜ਼ ਇਨਵੈਸਟਮੈਂਟ ਐਕਟ ਵਿੱਚ ਬਦਲਾਅ ਕਰਦਿਆਂ ਕਾਨੂੰਨ ਨੂੰ ਸੁਖਾਲਾ ਬਣਾ ਦਿੱਤਾ ਹੈ।
