ਨਿਊਜ਼ੀਲੈਂਡ ਦੇ ਬਣੇ ਏਅਰਕਰਾਫਟ ਨਾਲ ਜੁੜੀ ਇੱਕ ਵੱਡੀ ਅਤੇ ਦੇਸ਼ ਵਾਸੀਆਂ ਦਾ ਮਾਣ ਵਧਾਉਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਨਿਊਜ਼ੀਲੈਂਡ ਦੇ ਬਣੇ ਏਅਰਕਰਾਫਟ ਨੇ ਪਹਿਲੀ ਵਾਰ ਸੁਪਰਸੋਨਿਕ ਸਪੀਡ ਹਾਸਿਲ ਕੀਤੀ ਹੈ। ਮਲਟੀਨੈਸ਼ਨਲ ਕੰਪਨੀ ਡਾਨ ਏਰੋਸਪੇਸ ਦੇ ਬਣੇ ਏਅਰਕਰਾਫਟ ਐਨ ਕੇ-2 ਉਰੋਰਾ ਨੇ 1356.28 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਤੂਫਾਨੀ ਰਫਤਾਰ ਹਾਸਿਲ ਕੀਤੀ ਹੈ, ਏਅਰਕਰਾਫਟ ਦਾ ਟੈਸਟ ਮਾਉਂਟ ਕੁੱਕ ਦੇ ਏਰੋਕੀ ਬੇਸ ‘ਤੇ ਕੀਤਾ ਗਿਆ ਹੈ ਤੇ ਇਸ ਏਅਰਕਰਾਫਟ ਨੂੰ 82,500 ਫੁੱਟ ਦੀ ਉਚਾਈ ‘ਤੇ ਉਡਾਇਆ ਗਿਆ ਸੀ, ਜੋ ਕਿ ਕੋਨਕੋਰਡ ਜਹਾਜ ਤੋਂ ਬਾਅਦ ਪਹਿਲੀ ਵਾਰ ਅਜਿਹਾ ਹੋਇਆ ਹੈ। ਇਸ ਦੌਰਾਨ ਇਸ ਏਅਰਕਰਾਫਟ ਨੇ ਅਮਰੀਕਾ ਦੇ ਐਫ 15 ‘ਸਟਰੀਕ ਈਗਲ’ ਜਹਾਜ਼ ਨੂੰ ਪਿੱਛੇ ਛੱਡ 113 ਸੈਕਿੰਡ ‘ਚ ਗਰਾਉਂਡ ਤੋਂ 20 ਕਿਲੋਮੀਟਰ ਦੀ ਉਚਾਈ ਹਾਸਿਲ ਕਰਨ ਦਾ ਰਿਕਾਰਡ ਵੀ ਬਣਾਇਆ ਹੈ।
