IPL 2024 ਤੋਂ ਪਹਿਲਾਂ ਚੇਨਈ ਸੁਪਰ ਕਿੰਗਜ਼ ਨੇ ਨਵੇਂ ਕਪਤਾਨ ਦਾ ਐਲਾਨ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਵੱਡੀ ਖ਼ਬਰ ਇਹ ਹੈ ਕਿ ਐਮਐਸ ਧੋਨੀ ਨੇ ਅਚਾਨਕ ਕਪਤਾਨੀ ਛੱਡ ਦਿੱਤੀ ਹੈ ਅਤੇ ਹੁਣ ਰੁਤੁਰਾਜ ਗਾਇਕਵਾੜ ਨੂੰ ਚੇਨਈ ਦਾ ਨਵਾਂ ਕਪਤਾਨ ਬਣਾਇਆ ਗਿਆ ਹੈ। ਧੋਨੀ ਨੇ ਚੇਨਈ ਨੂੰ ਪਿਛਲੇ ਸੀਜ਼ਨ ‘ਚ ਪੰਜਵੀਂ ਵਾਰ ਆਈ.ਪੀ.ਐੱਲ. ਦਾ ਖਿਤਾਬ ਦਿਵਾਇਆ ਸੀ ਅਤੇ ਹੁਣ ਉਨ੍ਹਾਂ ਨੇ ਟੀਮ ਦੀ ਕਮਾਨ ਗਾਇਕਵਾੜ ਨੂੰ ਸੌਂਪ ਦਿੱਤੀ ਹੈ।
ਧੋਨੀ ਨੇ ਨਾ ਸਿਰਫ ਚੇਨਈ ਨੂੰ ਪੰਜ ਵਾਰ ਆਈ.ਪੀ.ਐੱਲ. ਜਿਤਾਇਆ ਹੈ, ਸਗੋਂ ਟੀਮ ਨੂੰ ਪੰਜ ਵਾਰ ਫਾਈਨਲ ‘ਚ ਵੀ ਪਹੁੰਚਾਇਆ ਹੈ। ਉਹ ਇਕੱਲੇ ਅਜਿਹੇ ਕਪਤਾਨ ਹਨ ਜਿਨ੍ਹਾਂ ਨੇ 10 ਆਈਪੀਐਲ ਫਾਈਨਲ ਖੇਡੇ ਹਨ। ਧੋਨੀ ਦੀ ਕਪਤਾਨੀ ‘ਚ ਚੇਨਈ 2010, 2011, 2018, 2021 ਅਤੇ 2023 ‘ਚ ਚੈਂਪੀਅਨ ਬਣ ਚੁੱਕੀ ਹੈ। 2008, 2012, 2013, 2015 ਅਤੇ 2019 ਵਿੱਚ ਉਹ ਟੀਮ ਨੂੰ ਫਾਈਨਲ ਵਿੱਚ ਲੈ ਕੇ ਗਏ ਸੀ।