ਅਮਰੀਕਾ ਦੇ ਟੈਕਸਾਸ ‘ਚ ਭਾਰਤੀ-ਅਮਰੀਕੀ ਔਰਤਾਂ ‘ਤੇ ਨਸਲੀ ਹਮਲੇ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਡਾਊਨਟਾਊਨ ਪਲੈਨੋ ਵਿੱਚ ਸਿਕਸਟੀ ਵਾਈਨਜ਼ ਰੈਸਟੋਰੈਂਟ ਦੇ ਬਾਹਰ ਚਾਰ ਔਰਤਾਂ ਭਾਰਤੀ ਲਹਿਜ਼ੇ ਵਿੱਚ ਗੱਲਾਂ ਕਰ ਰਹੀਆਂ ਸਨ। ਇਸ ਦੇ ਨਾਲ ਹੀ ਮੈਕਸੀਕਨ-ਅਮਰੀਕੀ ਔਰਤ ਨੇ ਉਨ੍ਹਾਂ ‘ਤੇ ਨਸਲੀ ਟਿੱਪਣੀਆਂ ਕੀਤੀਆਂ ਅਤੇ ਗਾਲ੍ਹਾਂ ਕੱਢੀਆਂ। ਔਰਤ ਨੇ ਭਾਰਤੀ ਔਰਤ ਨੂੰ ਥੱਪੜ ਵੀ ਮਾਰਿਆ। ਘਟਨਾ 24 ਅਗਸਤ ਦੀ ਹੈ, ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਇਨ੍ਹਾਂ ‘ਚੋਂ ਇੱਕ ਭਾਰਤੀ ਔਰਤ ਨੇ ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਹੈ। ਵੀਡੀਓ ‘ਚ ਦੋਸ਼ੀ ਔਰਤ ਨੂੰ ਭਾਰਤੀ ਔਰਤਾਂ ਦੇ ਇਕ ਸਮੂਹ ਨੂੰ ਕਹਿੰਦੇ ਹੋਏ ਦੇਖਿਆ ਜਾ ਸਕਦਾ ਹੈ, ‘ਮੈਂ ਤੁਹਾਨੂੰ ਭਾਰਤੀਆਂ ਨੂੰ ਨਫ਼ਰਤ ਕਰਦੀ ਹਾਂ। ਤੁਸੀਂ ਇਸ ਦੇਸ਼ ਵਿੱਚ ਲੋਕਾਂ ਨਾਲ ਭਰੇ ਹੋਏ ਹੋ। ਤੁਸੀਂ ਬਿਹਤਰ ਜ਼ਿੰਦਗੀ ਚਾਹੁੰਦੇ ਸੀ, ਇਸ ਲਈ ਇੱਥੇ ਆਏ ਹੋ, ਪਰ ਤੁਹਾਡੇ ਵਰਗੇ ਲੋਕਾਂ ਕਾਰਨ ਇਹ ਦੇਸ਼ ਬਰਬਾਦ ਹੋ ਰਿਹਾ ਹੈ। ਤੁਸੀਂ ਭਾਰਤ ਵਾਪਿਸ ਚਲੇ ਜਾਓ। ਇਸ ਦੇਸ਼ ਨੂੰ ਤੁਹਾਡੀ ਲੋੜ ਨਹੀਂ ਹੈ।”
ਜਦੋਂ ਭਾਰਤੀ ਔਰਤਾਂ ਨੇ ਉਸ ਦੀਆਂ ਟਿੱਪਣੀਆਂ ਦਾ ਜਵਾਬ ਦਿੱਤਾ ਤਾਂ ਦੋਸ਼ੀ ਨੇ ਇੱਕ ਔਰਤ ਨਾਲ ਕੁੱਟਮਾਰ ਵੀ ਕੀਤੀ। ਵੀਡੀਓ ਦੇ ਨਾਲ ਮਹਿਲਾ ਨੇ ਲਿਖਿਆ, ‘ਦੋਸਤਾਂ ਦੇ ਨਾਲ ਡਿਨਰ ਦਾ ਅੰਤ ਭਿਆਨਕ ਅਨੁਭਵ ਨਾਲ ਹੋਇਆ। ਜਦੋਂ ਅਸੀਂ ਰੈਸਟੋਰੈਂਟ ਤੋਂ ਬਾਹਰ ਨਿਕਲ ਕੇ ਆਪਣੀ ਕਾਰ ਵੱਲ ਜਾ ਰਹੇ ਸੀ ਤਾਂ ਇੱਕ ਸ਼ਰਾਬੀ ਔਰਤ ਸਾਡੇ ਕੋਲ ਆਈ। ਉਹ ਗੁੱਸੇ ਸੀ। ਉਸ ਨੇ ਸਾਡੇ ਦੋਸਤਾਂ ‘ਤੇ ਨਸਲੀ ਟਿੱਪਣੀਆਂ ਕੀਤੀਆਂ ਅਤੇ ਸਾਡੇ ‘ਤੇ ਸਰੀਰਕ ਹਮਲਾ ਵੀ ਕੀਤਾ। 24 ਅਗਸਤ ਨੂੰ ਵਾਪਰੀ ਇਸ ਘਟਨਾ ਦੀ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ 25 ਅਗਸਤ ਨੂੰ ਪਲੈਨੋ ਪੁਲਸ ਨੇ ਦੋਸ਼ੀ ਔਰਤ ਨੂੰ ਗ੍ਰਿਫਤਾਰ ਕਰ ਲਿਆ ਸੀ। ਔਰਤ ਖਿਲਾਫ ਕੁੱਟਮਾਰ ਅਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇਣ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ। ਦੋਸ਼ੀ ਔਰਤ ਦੀ ਪਛਾਣ ਐਸਮੇਰਾਲਡਾ ਅੱਪਟਨ ਵਜੋਂ ਹੋਈ ਹੈ। ਉਸ ਨੂੰ ਜ਼ਮਾਨਤ ਲਈ $10,000 ਦਾ ਬਾਂਡ ਭਰਨਾ ਪਏਗਾ। ਪਲੈਨੋ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।