ਤਰਨਾਕੀ ਵਿੱਚ ਅੱਜ ਸਵੇਰੇ ਤੂਫ਼ਾਨ ਨੇ ਬਿਜਲੀ ਦੀਆਂ ਤਾਰਾਂ ਤੋੜ ਦਿੱਤੀਆਂ ਅਤੇ ਕੁੱਝ ਘਰਾਂ ਦੀਆਂ ਛੱਤਾਂ ਨੂੰ ਨੁਕਸਾਨ ਪਹੁੰਚਾਇਆ ਹੈ। ਤੂਫਾਨ ਮੋਟੂਨੀ, ਨਿਊ ਪਲਾਈਮਾਊਥ ਦੇ ਉੱਤਰ ਵਿੱਚ, ਸਵੇਰੇ 9.45 ਵਜੇ ਦੇ ਕਰੀਬ ਆਇਆ ਸੀ। ਤੂਫਾਨ ਉਸੇ ਸਮੇਂ ਆਇਆ ਜਦੋਂ MetService ਨੇ ਉੱਤਰੀ ਉੱਤਰੀ ਟਾਪੂ ਦੇ ਕੁੱਝ ਹਿੱਸਿਆਂ ਵਿੱਚ ਗੰਭੀਰ ਤੂਫਾਨ ਦੀ ਸੰਭਾਵਨਾ ਦੀ ਚੇਤਾਵਨੀ ਜਾਰੀ ਕੀਤੀ ਸੀ ਜਿਸ ਵਿੱਚ ਨੁਕਸਾਨਦੇਹ ਗੜੇ ਅਤੇ ਹਵਾ ਅਤੇ small tornadoes ਦੀ ਚਿਤਾਵਨੀ ਦਿੱਤੀ ਗਈ ਸੀ। ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ ਕਿ ਤੂਫ਼ਾਨ ਕਾਰਨ ਕੁੱਝ ਬਿਜਲੀ ਦੀਆਂ ਤਾਰਾਂ ਟੁੱਟ ਗਈਆਂ ਸਨ ਅਤੇ ਸਲੇਟ ਦੀ ਛੱਤ ਵਾਲਾ ਲੋਹਾ ਢਿੱਲਾ ਹੋ ਗਿਆ ਸੀ।
ਪੁਲਿਸ ਨੇ ਵੈਲਫੇਅਰ ਚੈਕਿੰਗ ਕਰਨ ਲਈ ਮੋਟੂਨੀ ਦੇ ਤੁਰੰਗੀ ਰੋਡ ‘ਤੇ ਘਰ-ਘਰ ਜਾ ਕੇ ਜਾਂਚ ਕੀਤੀ, ਪਰ ਅਜੇ ਤੱਕ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ। ਫਾਇਰ ਅਤੇ ਐਮਰਜੈਂਸੀ ਨੇ ਵੀ ਦੋ ਫਾਇਰ ਟਰੱਕਾਂ ਨਾਲ ਹਾਜ਼ਰੀ ਭਰੀ, ਪਰ ਉਹ ਹੁਣ ਘਟਨਾ ਸਥਾਨ ਤੋਂ ਚਲੇ ਗਏ ਹਨ। MetService ਨੇ ਕਿਹਾ ਕਿ ਨਮੀ ਵਾਲੇ ਅਤੇ ਅਸਥਿਰ ਸਥਿਤੀਆਂ ਕਾਰਨ ਅੱਜ ਉੱਤਰੀ ਟਾਪੂ ਦੇ ਬਹੁਤ ਸਾਰੇ ਖੇਤਰਾਂ ਵਿੱਚ ਤੂਫ਼ਾਨ ਆਉਣ ਦੀ ਸੰਭਾਵਨਾ ਹੈ, ਜਿਸ ਵਿੱਚ ਸਥਾਨਕ ਤੌਰ ‘ਤੇ ਭਾਰੀ ਮੀਂਹ ਅਤੇ ਗੜੇ ਪੈਣਗੇ। ਬੇਅ ਆਫ਼ ਪਲੈਂਟੀ, ਵਾਈਕਾਟੋ ਅਤੇ ਕੋਰੋਮੰਡਲ ਪ੍ਰਾਇਦੀਪ ਵਿੱਚ ਗਰਜਾਂ ਵਾਲੇ ਤੂਫ਼ਾਨ ਗੰਭੀਰ ਹੋ ਸਕਦੇ ਹਨ, ਜਿਸ ਵਿੱਚ 20 ਮਿਲੀਮੀਟਰ ਵਿਆਸ ਤੋਂ ਵੱਧ ਗੜੇ, 110km/h ਤੋਂ ਵੱਧ ਦੀ ਰਫ਼ਤਾਰ ਵਾਲੀਆਂ ਹਵਾਵਾਂ, ਅਤੇ small tornadoes ਹੋ ਸਕਦੇ ਹਨ।
MetService ਨੇ ਕਿਹਾ ਕਿ ਜੇ ਤੂਫਾਨ ਆਇਆ ਤਾਂ ਉਹ ਬਹੁਤ ਸਥਾਨਕ ਹੋਣ ਦੀ ਸੰਭਾਵਨਾ ਸੀ। ਇਹ ਚਿਤਾਵਨੀ ਵੀ ਦਿੱਤੀ ਗਈ ਹੈ ਕਿ ਗੜੇ ਫਸਲਾਂ, ਕੱਚ ਦੇ ਘਰਾਂ ਅਤੇ ਵਾਹਨਾਂ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ, ਅਤੇ ਹਵਾ ਦੇ ਝੱਖੜ ਦਰਖਤਾਂ ਅਤੇ ਬਿਜਲੀ ਦੀਆਂ ਲਾਈਨਾਂ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ। ਸ਼ਾਮ 7 ਵਜੇ ਦੇ ਆਸਪਾਸ ਹਾਲਾਤ ਠੀਕ ਹੋਣ ਦੀ ਉਮੀਦ ਹੈ। ਬੀਤੀ ਰਾਤ ਆਕਲੈਂਡ ਖੇਤਰ ਵਿੱਚ ਇੱਕ ਤੇਜ਼ ਗਰਜ ਨਾਲ ਤੂਫ਼ਾਨ ਆਇਆ ਸੀ ਜਿਸ ਨਾਲ ਦਰੱਖਤ ਡਿੱਗੇ, ਸਤ੍ਹਾ ਵਿੱਚ ਹੜ੍ਹ, ਅਤੇ ਜਾਇਦਾਦ ਨੂੰ ਨੁਕਸਾਨ ਹੋਇਆ ਹੈ।