ਦੁਨੀਆ ਦੇ ਸਭ ਤੋਂ ਵੱਡੇ ਨਵਿਆਉਣਯੋਗ ਊਰਜਾ ਅਤੇ ਪ੍ਰਸਾਰਣ ਪ੍ਰੋਜੈਕਟ ਨੂੰ ਸਰਕਾਰੀ ਅਧਿਕਾਰੀਆਂ ਤੋਂ ਮੁੱਖ ਮਨਜ਼ੂਰੀ ਮਿਲ ਗਈ ਹੈ। ਦੱਸ ਦੇਈਏ ਆਸਟ੍ਰੇਲੀਆ-ਏਸ਼ੀਆ ਪਾਵਰ ਲਿੰਕ ਪ੍ਰੋਜੈਕਟ 4,300 ਕਿਲੋਮੀਟਰ ਲੰਬੀਆਂ ਸਮੁੰਦਰੀ ਕੇਬਲਾਂ ਰਾਹੀਂ ਆਸਟ੍ਰੇਲੀਆ ਦੀ ਸੂਰਜੀ ਊਰਜਾ ਨੂੰ ਸਿੰਗਾਪੁਰ ਭੇਜੇਗਾ। AAPowerLink ਪ੍ਰੋਜੈਕਟ ਦੀ ਅਗਵਾਈ ਸਨਕੇਬਲ ਦੁਆਰਾ ਕੀਤੀ ਜਾ ਰਹੀ ਹੈ, ਅਤੇ ਇਹ ਡਾਰਵਿਨ ਨੂੰ 24 ਘੰਟੇ ਸਾਫ਼ ਬਿਜਲੀ ਸੰਚਾਰਿਤ ਕਰਨ ਲਈ ਆਸਟ੍ਰੇਲੀਆ ਦੇ ਉੱਤਰੀ ਖੇਤਰ ਵਿੱਚ ਇੱਕ ਵਿਸ਼ਾਲ ਸੂਰਜੀ ਫਾਰਮ ਦਾ ਨਿਰਮਾਣ ਕਰਕੇ ਸ਼ੁਰੂ ਕਰੇਗਾ, ਅਤੇ ਸਿੰਗਾਪੁਰ ਨੂੰ “ਭਰੋਸੇਯੋਗ, ਲਾਗਤ-ਮੁਕਾਬਲੇ ਵਾਲੀ ਨਵਿਆਉਣਯੋਗ ਊਰਜਾ” ਦਾ ਨਿਰਯਾਤ ਵੀ ਕਰੇਗਾ।
