ਵਾਈਕਾਟੋ ਦੇ ਮਤਾਮਾਤਾ ਨੇੜੇ ਮੰਗਲਵਾਰ ਸਵੇਰੇ ਹੋਈ ਗੋਲੀਬਾਰੀ ਵਿੱਚ ਇੱਕ ਵਿਅਕਤੀ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਗੋਲੀਬਾਰੀ ਵਾਰਡਵਿਲੇ ਦੇ ਵਾਘੌਰਨ ਰੋਡ ‘ਤੇ ਹੋਈ, ਜਿੱਥੇ ਉਨ੍ਹਾਂ ਨੂੰ ਕਰੀਬ 1.35 ਵਜੇ ਬੁਲਾਇਆ ਗਿਆ ਸੀ। ਇੰਸਪੈਕਟਰ ਡੀਨ ਐਂਡਰਸਨ ਨੇ ਦੁਪਹਿਰ 12.35 ਵਜੇ ਇੱਕ ਬਿਆਨ ਵਿੱਚ ਕਿਹਾ ਕਿ, “ਇੱਕ ਵਿਅਕਤੀ ਨੂੰ ਪੇਂਡੂ ਖੇਤਰ ਤੋਂ ਕੁੱਝ ਦੂਰੀ ‘ਤੇ ਗੋਲੀ ਮਾਰ ਦਿੱਤੀ ਗਈ ਸੀ ਅਤੇ ਉਸਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਲਿਜਾਇਆ ਗਿਆ ਸੀ।” ਫਿਲਹਾਲ ਆਦਮੀ ਦੀ ਸਰਜਰੀ ਹੋ ਰਹੀ ਹੈ।
ਪੁਲਿਸ ਗੋਲੀਬਾਰੀ ਲਈ “ਦਿਲਚਸਪੀ ਵਾਲੇ ਵਿਅਕਤੀ” ਦੀ ਤਲਾਸ਼ ਕਰ ਰਹੀ ਹੈ। ਹਥਿਆਰਬੰਦ ਅਪਰਾਧੀ ਦਸਤੇ ਅਤੇ ਈਗਲ ਹੈਲੀਕਾਪਟਰ ਖੋਜ ਵਿੱਚ ਲੱਗੇ ਹੋਏ ਹਨ। ਸੰਕੇਤ ਹਨ ਕਿ ਘਟਨਾ ਗੈਂਗ ਨਾਲ ਸਬੰਧਿਤ ਨਹੀਂ ਸੀ ਅਤੇ ਵਿਅਕਤੀ ਇੱਕ ਦੂਜੇ ਨੂੰ ਜਾਣਦੇ ਸਨ। ਵਾਘੌਰਨ ਰੋਡ ਦੇ ਆਸ-ਪਾਸ ਥਾਂ-ਥਾਂ ਨਾਕਾਬੰਦੀ ਕੀਤੀ ਹੋਈ ਹੈ।