ਵੀਰਵਾਰ ਸਵੇਰੇ ਵਕਾਟਾਨੇ ਕਾਰ ਪਾਰਕ ਵਿੱਚ ਇੱਕ ਵਿਅਕਤੀ ਦੇ ਗੰਭੀਰ ਰੂਪ ਵਿੱਚ ਜ਼ਖਮੀ ਪਾਏ ਜਾਣ ਤੋਂ ਬਾਅਦ ਪੁਲਿਸ ਲੋਕਾਂ ਨੂੰ ਜਾਣਕਾਰੀ ਸਾਂਝੀ ਕਰਨ ਲਈ ਅਪੀਲ ਕਰ ਰਹੀ ਹੈ। ਪੁਲਿਸ ਨੇ ਇੱਕ ਬਿਆਨ ਵਿੱਚ ਕਿਹਾ, “ਇੱਕ ਵਿਅਕਤੀ ਸਵੇਰੇ ਤੜਕੇ ਗਾਰਵੇ ਸਟ੍ਰੀਟ, ਵਕਾਟਾਨੇ ‘ਤੇ ਇੱਕ ਕਾਰ ਪਾਰਕ ਵਿੱਚ ਗੰਭੀਰ ਸੱਟਾਂ ਨਾਲ ਜ਼ਖਮੀ ਮਿਲਿਆ ਸੀ।” ਇਹ ਵਿਅਕਤੀ ਵਕਾਟਾਨੇ ਹਸਪਤਾਲ, ਜੋ ਕਿ ਗਾਰਵੇ ਸਟਰੀਟ ‘ਤੇ ਵੀ ਸਥਿਤ ਹੈ, ਵਿੱਚ ਗੰਭੀਰ ਹਾਲਤ ਵਿੱਚ ਦਾਖ਼ਲ ਹੈ।
“ਪੁਲਿਸ ਹਾਲਾਤਾਂ ਦਾ ਪਤਾ ਲਗਾਉਣ ਲਈ ਕੰਮ ਕਰ ਰਹੀ ਹੈ ਜਿਸ ਕਾਰਨ ਵਿਅਕਤੀ ਜ਼ਖਮੀ ਹੋਇਆ ਸੀ। “ਟੂਹੋਏ ਐਵੇਨਿਊ, ਅਤੇ ਵੈਨੁਇਟਵਾਹਾਰਾ ਸਟ੍ਰੀਮ ਦੇ ਨਾਲ ਗਾਰਵੇ ਐਵੇਨਿਊ ਦੇ ਵਿਚਕਾਰ ਕੋਰਡਨ ਬਣਾਏ ਗਏ ਹਨ।” ਪੁਲਿਸ ਚਾਹੁੰਦੀ ਹੈ ਕਿ ਜਿਸ ਵਿਅਕਤੀ ਨੂੰ ਵੀ ਕੋਈ ਜਾਣਕਾਰੀ ਹੋਵੇ ਉਹ 105 ‘ਤੇ ਸੰਪਰਕ ਕਰੇ।