ਭਾਰਤ ਨੂੰ ਓਲੰਪਿਕ ‘ਚ ਪਹਿਲਾ ਸੋਨ ਤਗਮਾ ਜਿਤਾਉਣ ਵਾਲੇ ਹਾਕੀ ਦੇ ਮਹਾਨ ਕਪਤਾਨ ਕੇਸ਼ਵ ਦੱਤ ਦਾ ਹੋਇਆ ਦੇਹਾਂਤ

1948 ਅਤੇ 1952 ਓਲੰਪਿਕ ਸੋਨ ਤਮਗਾ ਜੇਤੂ ਭਾਰਤੀ ਟੀਮ ਦੇ ਮੈਂਬਰ ਰਹਿ ਚੁੱਕੇ ਦਿੱਗਜ ਖਿਡਾਰੀ ਅਤੇ ਹਾਕੀ ਦੇ ਮਹਾਨ ਕਪਤਾਨ ਕੇਸ਼ਵ ਦੱਤ ਦਾ ਬੁੱਧਵਾਰ ਨੂੰ 95 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਦੱਤ ਨੇ ਕੋਲਕਾਤਾ ਦੇ ਸੰਤੋਸ਼ਪੁਰ ਸਥਿਤ ਆਪਣੇ ਘਰ ਵਿਖੇ ਦੁਪਹਿਰ 12.30 ਵਜੇ ਆਖਰੀ ਸਾਹ ਲਏ ਹਨ। ਹਾਕੀ ਇੰਡੀਆ ਦੇ ਰਾਸ਼ਟਰਪਤੀ ਗਿਆਨੰਦਰੋ ਨਿੰਗੋਮਬਮ ਤੇ ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਉਨ੍ਹਾਂ ਦੇ ਦੇਹਾਂਤ ‘ਤੇ ਸੋਗ ਜਤਾਇਆ ਹੈ। ਭਾਰਤੀ ਟੀਮ ਤੋਂ ਬਾਅਦ ਉਹ ਬੰਗਾਲ ਦੀ ਮੋਹਨ ਬਾਗਾਨ ਹਾਕੀ ਟੀਮ ਲਈ ਵੀ ਖੇਡੇ ਸਨ।

ਕੇਸ਼ਵ ਦੱਤ ਹਾਕੀ ਵਿੱਚ ਭਾਰਤ ਦੇ ਸੁਨਹਿਰੀ ਦੌਰ ਦਾ ਹਿੱਸਾ ਰਹੇ ਹਨ। ਉਹ 1948 ਦੇ ਓਲੰਪਿਕਸ ਵਿੱਚ ਭਾਰਤੀ ਟੀਮ ਦਾ ਹਿੱਸਾ ਸਨ ਜਦੋਂ ਭਾਰਤ ਨੇ ਆਜ਼ਾਦੀ ਤੋਂ ਬਾਅਦ ਪਹਿਲੀ ਵਾਰ ਲੰਡਨ ਦੇ ਵੇਂਬਲੇ ਸਟੇਡੀਅਮ ਵਿੱਚ ਮੇਜ਼ਬਾਨ ਟੀਮ ਬ੍ਰਿਟੇਨ ਨੂੰ 4-0 ਨਾਲ ਹਰਾ ਕੇ ਹਾਕੀ ਵਿੱਚ ਸੋਨ ਤਮਗਾ ਜਿੱਤਿਆ ਸੀ।