ਜਦੋਂ ਵੀ ਕੋਈ ਖਿਡਾਰੀ ਆਪਣੀ ਟੀਮ ਨੂੰ ਜਿੱਤ ਦਿਵਾਉਂਦਾ ਹੈ ਤਾਂ ਉਸ ‘ਤੇ ਇਨਾਮਾਂ ਦੀ ਵਰਖਾ ਕੀਤੀ ਜਾਂਦੀ ਹੈ। ਭਾਰਤੀ ਖਿਡਾਰੀਆਂ ‘ਤੇ ਲੱਖਾਂ ਰੁਪਏ ਦੀ ਬਰਸਾਤ ਹੁੰਦੀ ਹੈ ਪਰ ਹਰ ਦੇਸ਼ ‘ਚ ਅਜਿਹਾ ਨਹੀਂ ਹੁੰਦਾ। ਜ਼ਿੰਬਾਬਵੇ-ਵੈਸਟ ਇੰਡੀਜ਼ ‘ਚ ਪਲੇਅਰ ਆਫ ਦਿ ਮੈਚ ਅਤੇ ਸੀਰੀਜ਼ ਦੇ ਐਵਾਰਡ ਦੀ ਰਕਮ ਲੱਖਾਂ ‘ਚ ਨਹੀਂ ਹੈ। ਅਜਿਹਾ ਹੀ ਕੁੱਝ ਨਿਊਜ਼ੀਲੈਂਡ ‘ਚ ਵੀ ਦੇਖਣ ਨੂੰ ਮਿਲਿਆ ਹੈ। ਜਿੱਥੇ ਨਿਊਜ਼ੀਲੈਂਡ ਦੇ ਸਾਬਕਾ ਟੈਸਟ ਕਪਤਾਨ ਕੇਨ ਵਿਲੀਅਮਸਨ ਨੂੰ ਪਲੇਅਰ ਆਫ ਦ ਸੀਰੀਜ਼ ਜਿੱਤਣ ਦਾ ਬਹੁਤ ਹੀ ਅਜੀਬ ਇਨਾਮ ਮਿਲਿਆ ਹੈ।
ਕੇਨ ਵਿਲੀਅਮਸਨ ਨੂੰ ਟੈਸਟ ਸੀਰੀਜ਼ ‘ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਲਈ 51 ਹਜ਼ਾਰ ਦਾ ਚੈੱਕ ਅਤੇ ਪੇਂਟ ਕੈਨ (ਰੰਗ ਦੇ ਡੱਬੇ) ਵੀ ਮਿਲਿਆ ਹੈ। ਨਿਊਜ਼ੀਲੈਂਡ ਕ੍ਰਿਕਟ ਬੋਰਡ ਨੇ ਟਵੀਟ ਕੀਤਾ ਕਿ ਵਿਲੀਅਮਸਨ ਨੂੰ ਉਨ੍ਹਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਲਈ 150 ਲੀਟਰ ਪੇਂਟ ਮਿਲਿਆ ਹੈ। ਰੁਪਏ ‘ਚ ਇਸ ਦੀ ਕੀਮਤ ਕਰੀਬ 16 ਹਜ਼ਾਰ ਰੁਪਏ ਹੈ। ਟਵੀਟ ‘ਚ ਦੱਸਿਆ ਗਿਆ ਹੈ ਕਿ ਇਸ ਪੇਂਟ ਦੀ ਵਰਤੋਂ ਟੀ ਪੁਕੇ ਕ੍ਰਿਕਟ ਕਲੱਬ ਨੂੰ ਪੇਂਟ ਕਰਨ ਲਈ ਕੀਤੀ ਜਾਵੇਗੀ। ਵਿਲੀਅਮਸਨ ਨੂੰ ਅਜਿਹਾ ਤੋਹਫਾ ਮਿਲਣ ‘ਤੇ ਪ੍ਰਸ਼ੰਸਕ ਹੈਰਾਨ ਹਨ।
Your Dulux Player of the Series, Kane Williamson.
– 337 runs
– 168.50 average
– 215 highest score
– 150 litres of Dulux paint for Te Puke Cricket Club. #NZvSL pic.twitter.com/fo0JaObyfb— BLACKCAPS (@BLACKCAPS) March 20, 2023
ਤੁਹਾਨੂੰ ਦੱਸ ਦੇਈਏ ਕਿ ਕੇਨ ਵਿਲੀਅਮਸਨ ਨੇ ਨਿਊਜ਼ੀਲੈਂਡ ਨੂੰ ਸ਼੍ਰੀਲੰਕਾ ਦੇ ਖਿਲਾਫ ਟੈਸਟ ਸੀਰੀਜ਼ ਜਿੱਤਣ ‘ਚ ਕਾਫੀ ਯੋਗਦਾਨ ਪਾਇਆ ਸੀ। ਇਸ ਖਿਡਾਰੀ ਨੇ ਕ੍ਰਾਈਸਟਚਰਚ ‘ਚ ਅਜੇਤੂ ਸੈਂਕੜਾ ਜੜਿਆ ਅਤੇ ਆਖਰੀ ਗੇਂਦ ‘ਤੇ ਨਿਊਜ਼ੀਲੈਂਡ ਨੂੰ ਮੈਚ ਜਿਤਾ ਦਿੱਤਾ। ਇਸ ਤੋਂ ਬਾਅਦ ਵਿਲੀਅਮਸਨ ਨੇ ਵੈਲਿੰਗਟਨ ਵਿੱਚ ਪਹਿਲੀ ਪਾਰੀ ਵਿੱਚ ਦੋਹਰਾ ਸੈਂਕੜਾ ਜੜਿਆ ਅਤੇ ਨਿਊਜ਼ੀਲੈਂਡ ਨੇ ਇੱਕ ਪਾਰੀ ਨਾਲ ਲੜੀ ਜਿੱਤ ਕੇ ਸ੍ਰੀਲੰਕਾ ਨੂੰ 2-0 ਨਾਲ ਕਲੀਨ ਸਵੀਪ ਕਰ ਦਿੱਤਾ।