ਇੰਡੀਅਨ ਪ੍ਰੀਮੀਅਰ ਲੀਗ ਦੇ 15ਵੇਂ ਸੀਜ਼ਨ ਦਾ ਬਿਗਲ ਵੱਜ ਗਿਆ ਹੈ। IPL 2022 ਦਾ ਪਹਿਲਾ ਮੈਚ ਚੇਨਈ ਸੁਪਰ ਕਿੰਗਜ਼ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਖੇਡਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਚੇਨਈ ਸੁਪਰ ਕਿੰਗਜ਼ ਦੀ ਟੀਮ ‘ਚ ਇੱਕ ਨਵਾਂ ਖਿਡਾਰੀ ਆਇਆ ਹੈ। ਆਇਰਲੈਂਡ ਦਾ ਨੌਜਵਾਨ ਤੇਜ਼ ਗੇਂਦਬਾਜ਼ ਸੀਐਸਕੇ ਦੀ ਟੀਮ ਨਾਲ ਜੁੜ ਗਿਆ ਹੈ। ਆਇਰਲੈਂਡ ਕ੍ਰਿਕਟ ਨੇ ਇਹ ਜਾਣਕਾਰੀ ਦਿੱਤੀ ਹੈ।
ਦਰਅਸਲ, ਆਇਰਲੈਂਡ ਦੇ 22 ਸਾਲਾ ਤੇਜ਼ ਗੇਂਦਬਾਜ਼ ਜੋਸ਼ ਲਿਟਲ ਆਈਪੀਐਲ 2022 ਲਈ ਨੈੱਟ ਗੇਂਦਬਾਜ਼ ਵਜੋਂ ਚੇਨਈ ਸੁਪਰ ਕਿੰਗਜ਼ ਦੀ ਟੀਮ ਨਾਲ ਜੁੜ ਗਏ ਹਨ। ਜੋਸ਼ ਲਿਟਲ ਨੇ ਵੀ ਮੈਗਾ ਨਿਲਾਮੀ ਵਿੱਚ ਨਾਮ ਦਰਜ ਕਰਵਾਇਆ ਸੀ। ਉਸ ਦੀ ਮੂਲ ਕੀਮਤ 50 ਲੱਖ ਰੁਪਏ ਸੀ। ਪਰ ਜੋਸ਼ ਲਿਟਲ ਨੂੰ ਆਈਪੀਐਲ 2022 ਦੀ ਨਿਲਾਮੀ ਵਿੱਚ ਕੋਈ ਖਰੀਦਦਾਰ ਨਹੀਂ ਮਿਲਿਆ ਸੀ। ਆਇਰਲੈਂਡ ਕ੍ਰਿਕੇਟ ਨੇ ਟਵੀਟ ਕੀਤਾ, “ਸ਼ੁਭਕਾਮਨਾਵਾਂ ਜੋਸ਼ ਲਿਟਲ, ਜਿਸਨੂੰ ਆਈਪੀਐਲ 2022 ਦੇ ਸ਼ੁਰੂਆਤੀ ਪੜਾਅ ਵਿੱਚ ਚੇਨਈ ਸੁਪਰ ਕਿੰਗਜ਼ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ। ਇੱਕ ਨੈੱਟ ਗੇਂਦਬਾਜ਼ ਦੇ ਰੂਪ ਵਿੱਚ ਸੀਐਸਕੇ ਲਈ ਸ਼ਾਨਦਾਰ ਅਨੁਭਵ।”