IPL 2023 ਦੀ ਨਿਲਾਮੀ ਵਿੱਚ ਸਭ ਤੋਂ ਵੱਧ ਪੈਸੇ ਨਾਲ ਉਤਰਨ ਵਾਲੀ ਸਨਰਾਈਜ਼ਰਜ਼ ਹੈਦਰਾਬਾਦ ਨੇ ਆਪਣਾ ਪੈਸਾ ਜ਼ਬਰਦਸਤ ਤਰੀਕੇ ਨਾਲ ਖਰਚ ਕੀਤਾ ਹੈ। ਟੀਮ ਦੀ ਸੀਈਓ ਕਾਵਿਆ ਮਾਰਨ ਨੇ ਨੀਲਾਮੀ ਦੀ ਸ਼ੁਰੂਆਤ ‘ਚ ਹੀ ਖੁਦ ਨੂੰ ਖੁੱਲ੍ਹੇਆਮ ਪੈਸੇ ਖਰਚਣ ਤੋਂ ਨਹੀਂ ਰੋਕਿਆ। ਹਾਲਾਂਕਿ ਜ਼ਿਆਦਾਤਰ ਲੋਕਾਂ ਨੇ ਉਨ੍ਹਾਂ ਖਿਡਾਰੀਆਂ ਨੂੰ ਪਸੰਦ ਨਹੀਂ ਕੀਤਾ, ਜਿਨ੍ਹਾਂ ਨੂੰ ਟੀਮ ਨੇ ਪੈਸੇ ਖਰਚ ਕਰ ਖਰੀਦਿਆ ਹੈ ਅਤੇ ਇਸੇ ਕਾਰਨ ਕਾਵਿਆ ਨੂੰ ਟਵਿਟਰ ‘ਤੇ ਕਾਫੀ ਟ੍ਰੋਲ ਕੀਤਾ ਜਾ ਰਿਹਾ ਹੈ।
ਹੈਰੀ ਬਰੂਕ ਦੇ ਰੂਪ ਵਿੱਚ ਹੈਦਰਾਬਾਦ ਨੇ ਨਿਲਾਮੀ ਵਿੱਚ ਆਪਣੀ ਸਭ ਤੋਂ ਮਹਿੰਗੀ ਖਰੀਦਦਾਰੀ ਕੀਤੀ ਹੈ। ਬਰੂਕ ਨੂੰ ਖਰੀਦਣਾ ਹੈਦਰਾਬਾਦ ਲਈ ਥੋੜਾ ਮੁਸ਼ਕਿਲ ਹੋ ਗਿਆ ਹੈ ਕਿਉਂਕਿ ਉਨ੍ਹਾਂ ਨੇ ਬਰੂਕ ਲਈ 13 ਕਰੋੜ ਤੋਂ ਵੱਧ ਖਰਚ ਕੀਤੇ ਹਨ, ਪਰ ਉਸ ਨੂੰ ਮੱਧਕ੍ਰਮ ਵਿੱਚ ਫਿੱਟ ਕਰਨ ਲਈ ਮੌਜੂਦਾ ਖਿਡਾਰੀਆਂ ਵਿੱਚੋਂ ਕਿਸੇ ਇੱਕ ਨੂੰ ਬਿਠਾਉਣਾ ਪਏਗਾ। ਹੈਦਰਾਬਾਦ ਨੇ ਮਯੰਕ ਅਗਰਵਾਲ ਨੂੰ ਅੱਠ ਕਰੋੜ ਰੁਪਏ ਤੋਂ ਵੱਧ ਵਿੱਚ ਖਰੀਦ ਕੇ ਜੋਖਮ ਲਿਆ ਹੈ। ਹਾਲਾਂਕਿ ਮਯੰਕ ਓਪਨਿੰਗ ਕਰਕੇ ਖੁਦ ਨੂੰ ਸਾਬਿਤ ਕਰ ਸਕਦੇ ਹਨ।
ਇਸ ਤੋਂ ਬਾਅਦ ਹੈਨਰਿਕ ਕਲਾਸੇਨ ਨੂੰ 5.25 ਕਰੋੜ ਰੁਪਏ ‘ਚ ਖਰੀਦ ਕੇ ਹੈਦਰਾਬਾਦ ਨੇ ਸਭ ਤੋਂ ਅਜੀਬ ਕੰਮ ਕੀਤਾ ਕਿਉਂਕਿ ਵਿਕਟਕੀਪਰ ਬੱਲੇਬਾਜ਼ ਹੋਣ ਕਾਰਨ ਉਸ ਨੂੰ ਪਲੇਇੰਗ ਇਲੈਵਨ ‘ਚ ਜਗ੍ਹਾ ਦਿੱਤੀ ਜਾਣੀ ਸੀ। ਕਲਾਸੇਨ ਨੂੰ ਖਰੀਦ ਕੇ ਪਲੇਇੰਗ ਇਲੈਵਨ ਦੀ ਚੋਣ ਨੂੰ ਗੁੰਝਲਦਾਰ ਬਣਾਉਣ ਦੇ ਨਾਲ, ਹੈਦਰਾਬਾਦ ਨੇ ਉਸ ਨੂੰ ਕਾਫੀ ਪੈਸੇ ਵੀ ਦਿੱਤੇ। ਇਨ੍ਹਾਂ ਗੱਲਾਂ ਲਈ ਕਾਵਿਆ ਨੂੰ ਟ੍ਰੋਲ ਕੀਤਾ ਜਾ ਰਿਹਾ ਹੈ।
