IPL 16 ਦਾ 65ਵਾਂ ਲੀਗ ਮੈਚ ਅੱਜ 18 ਮਈ ਦਿਨ ਵੀਰਵਾਰ ਨੂੰ ਸਨਰਾਈਜ਼ਰਜ਼ ਹੈਦਰਾਬਾਦ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਵਿਚਾਲੇ ਰਾਜੀਵ ਗਾਂਧੀ ਇੰਟਰਨੈਸ਼ਨਲ ਸਟੇਡੀਅਮ, ਹੈਦਰਾਬਾਦ ਵਿਖੇ ਖੇਡਿਆ ਜਾਵੇਗਾ। ਇਸ ਮੈਚ ਰਾਹੀਂ ਦੋਵੇਂ ਟੀਮਾਂ IPL 2023 ਦਾ 13ਵਾਂ ਲੀਗ ਮੈਚ ਖੇਡਣਗੀਆਂ। ਇਸ ਮੈਚ ਨੂੰ ਜਿੱਤ ਕੇ ਆਰਸੀਬੀ ਪਲੇਆਫ ਵੱਲ ਇੱਕ ਕਦਮ ਹੋਰ ਵਧਾਉਣਾ ਚਾਹੇਗੀ। ਆਈਪੀਐਲ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਅਤੇ ਰਾਇਲ ਚੈਲੰਜਰਜ਼ ਬੈਂਗਲੁਰੂ ਦੀਆਂ ਟੀਮਾਂ ਹੁਣ ਤੱਕ 21 ਵਾਰ ਆਹਮੋ-ਸਾਹਮਣੇ ਹੋ ਚੁੱਕੀਆਂ ਹਨ, ਜਿਸ ਵਿੱਚ ਹੈਦਰਾਬਾਦ ਨੇ 12 ਅਤੇ ਬੈਂਗਲੁਰੂ ਨੇ 9 ਮੈਚ ਜਿੱਤੇ ਹਨ। ਸਮੁੱਚੇ ਤੌਰ ‘ਤੇ ਹੈਦਰਾਬਾਦ ਦਾ ਆਰਸੀਬੀ ‘ਤੇ ਪੱਲੜਾ ਭਾਰੀ ਹੈ। ਅੱਜ ਦੋਵਾਂ ਵਿਚਾਲੇ IPL 2023 ਦਾ ਪਹਿਲਾ ਮੈਚ ਖੇਡਿਆ ਜਾਵੇਗਾ।
