ਮੌਨਸੂਨ ਦੇ ਮੌਸਮ ਦੌਰਾਨ ਲੋਕਾਂ ਨੂੰ ਸਕਿਨ ਐਲਰਜੀ ਹੋਣਾ ਇੱਕ ਆਮ ਸਮੱਸਿਆ ਹੁੰਦੀ ਹੈ। ਖਾਸ ਕਰਕੇ ਬੱਚਿਆਂ ਨੂੰ ਚਮੜੀ ਨਾਲ ਜੁੜੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਬਹੁਤ ਸਾਰੇ ਬੱਚਿਆਂ ਵਿੱਚ ਧੱਫੜ, ਖੁਜਲੀ ਵਰਗੀਆਂ ਸਮੱਸਿਆਵਾਂ ਆਮ ਹੁੰਦੀਆਂ ਹਨ। ਦਰਅਸਲ, ਮਾਨਸੂਨ ਦੇ ਦੌਰਾਨ ਜਦੋਂ ਵਾਯੂਮੰਡਲ ਵਿੱਚ ਨਮੀ ਵੱਧ ਜਾਂਦੀ ਹੈ ਅਤੇ ਗਰਮੀ ਦੇ ਕਾਰਨ ਪਸੀਨਾ ਆਉਣਾ ਸ਼ੁਰੂ ਹੋ ਜਾਂਦਾ ਹੈ, ਉਸ ਸਮੇ ਬੈਕਟੀਰੀਆ ਚਮੜੀ ਉੱਤੇ ਉੱਗਦੇ ਹਨ ਅਤੇ ਇਨ੍ਹਾਂ ਦੇ ਕਾਰਨ, ਚਮੜੀ ਵਿੱਚ ਖੁਜਲੀ ਹੋਣ ਲੱਗਦੀ ਹੈ। ਇਸ ਤੋਂ ਛੁਟਕਾਰਾ ਪਾਉਣ ਲਈ, ਹਾਲਾਂਕਿ ਮਾਰਕੀਟ ਵਿੱਚ ਬਹੁਤ ਸਾਰੇ ਉਤਪਾਦ ਹਨ, ਜੋ ਰਾਹਤ ਵੀ ਪ੍ਰਦਾਨ ਕਰਦੇ ਹਨ, ਪਰ ਇਹ ਸਮੱਸਿਆ ਦੁਬਾਰਾ ਵੀ ਹੋ ਜਾਂਦੀ ਹੈ। ਪਰ ਤੁਸੀਂ ਘਰ ਹੀ ਕੁੱਝ ਕੁਦਰਤੀ ਨੁਸਖਿਆਂ ਨਾਲ ਆਪਣੀਆਂ ਇਨ੍ਹਾਂ ਸਮੱਸਿਆਵਾਂ ਦਾ ਹੱਲ ਕਰ ਸਕਦੇ ਹੋ। ਜਾਣੋ ਕਿੰਝ-
ਨਿੰਮ – ਨਿੰਮ ਬੈਕਟੀਰੀਆ ਵਿਰੋਧੀ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ ਅਤੇ ਇਹ ਚਮੜੀ ਲਈ ਬਹੁਤ ਲਾਭਦਾਇਕ ਹੁੰਦਾ ਹੈ। ਤੁਸੀਂ ਚਮੜੀ ਦੇ ਧੱਫੜ ਅਤੇ ਖੁਜਲੀ ਲਈ ਨਿੰਮ ਦੀ ਵਰਤੋਂ ਕਰ ਸਕਦੇ ਹੋ, ਇਸਦੇ ਲਈ, ਪਹਿਲਾਂ ਤੁਸੀਂ ਨਿੰਮ ਦੇ ਪੱਤਿਆਂ ਨੂੰ ਪੀਸ ਕੇ ਪ੍ਰਭਾਵਿਤ ਖੇਤਰ ਤੇ ਲਗਾਓ। ਤੁਹਾਨੂੰ ਜਲਦੀ ਰਾਹਤ ਮਿਲੇਗੀ।
ਬੇਕਿੰਗ ਸੋਢਾ – ਚਮੜੀ ਦੀ ਐਲਰਜੀ ਤੋਂ ਛੁਟਕਾਰਾ ਪਾਉਣ ਲਈ ਤੁਸੀਂ ਬੇਕਿੰਗ ਸੋਢੇ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਬੇਕਿੰਗ ਸੋਢਾ ਰਸੋਈ ਵਿੱਚ ਪਾਈ ਜਾਣ ਵਾਲੀ ਇੱਕ ਅਜਿਹੀ ਚੀਜ਼ ਹੈ, ਜੋ ਚਮੜੀ ਦੀਆਂ ਕਈ ਸਮੱਸਿਆਵਾਂ ਨੂੰ ਦੂਰ ਕਰਦੀ ਹੈ। ਜੇ ਤੁਸੀਂ ਚਮੜੀ ਦੀ ਐਲਰਜੀ ਤੋਂ ਪਰੇਸ਼ਾਨ ਹੋ ਤਾਂ ਬੇਕਿੰਗ ਸੋਢੇ ਦੀ ਵਰਤੋਂ ਵੀ ਕੀਤੀ ਜਾ ਸਕਦੀ ਹੈ, ਪਰ ਇਸਦੀ ਵਰਤੋਂ ਕਰਦੇ ਸਮੇਂ ਕੁੱਝ ਗੱਲਾਂ ਨੂੰ ਧਿਆਨ ਵਿੱਚ ਰੱਖਣ ਦੀ ਜ਼ਰੂਰਤ ਹੈ। ਇਹ ਚਮੜੀ ਵਿੱਚ ਪੀਐਚ ਸੰਤੁਲਨ ਬਣਾਈ ਰੱਖਣ ਵਿੱਚ ਸਹਾਇਤਾ ਕਰਦਾ ਹੈ। ਚਮੜੀ ‘ਤੇ ਬੇਕਿੰਗ ਸੋਢੇ ਦੀ ਵਰਤੋਂ ਕਰਨ ਲਈ, ਪਹਿਲਾਂ ਇੱਕ ਚਮਚ ਬੇਕਿੰਗ ਸੋਢਾ ਲਓ ਅਤੇ ਇਸ ਵਿੱਚ ਥੋੜ੍ਹਾ ਜਿਹਾ ਪਾਣੀ ਮਿਲਾਓ। ਹੁਣ ਇਸ ਦਾ ਇੱਕ ਨਿਰਵਿਘਨ ਪੇਸਟ ਬਣਾਉ ਅਤੇ ਇਸਨੂੰ ਐਲਰਜੀ ਵਾਲੀ ਥਾਂ ‘ਤੇ ਲਗਾਓ। 10 ਮਿੰਟ ਦੇ ਬਾਅਦ ਇਸਨੂੰ ਧੋ ਲਓ। ਐਲਰਜੀ ਤੋਂ ਛੁਟਕਾਰਾ ਪਾਉਣ ਲਈ ਤੁਸੀਂ ਦਿਨ ਵਿੱਚ 3 ਤੋਂ 4 ਵਾਰ ਇਸਦੀ ਵਰਤੋਂ ਕਰ ਸਕਦੇ ਹੋ।
ਨਾਰੀਅਲ ਦਾ ਤੇਲ – ਨਾਰੀਅਲ ਤੇਲ ਚਮੜੀ ਦੀ ਦੇਖਭਾਲ ਲਈ ਸਭ ਤੋਂ ਵਧੀਆ ਤੇਲ ਹੈ। ਇਸ ਵਿੱਚ ਨਮੀ ਦੇਣ ਵਾਲੀਆਂ ਵਿਸ਼ੇਸ਼ਤਾਵਾਂ ਹਨ ਜੋ ਐਲਰਜੀ ਦੇ ਮਾਮਲੇ ਵਿੱਚ ਚਮੜੀ ਦੀ ਰੱਖਿਆ ਕਰਦੀਆਂ ਹਨ। ਇੰਨਾ ਹੀ ਨਹੀਂ, ਨਾਰੀਅਲ ਤੇਲ ਐਲਰਜੀ ਕਾਰਨ ਹੋਣ ਵਾਲੀ ਖੁਜਲੀ ਨੂੰ ਵੀ ਘੱਟ ਕਰਦਾ ਹੈ। ਇੱਕ ਕਟੋਰੇ ਵਿੱਚ ਨਾਰੀਅਲ ਦਾ ਤੇਲ ਲਓ ਅਤੇ ਇਸਨੂੰ 5 ਸਕਿੰਟਾਂ ਲਈ ਥੋੜ੍ਹਾ ਜਿਹਾ ਗਰਮ ਕਰੋ। ਫਿਰ ਇਸ ਗਰਮ ਤੇਲ ਨੂੰ ਉਸ ਜਗ੍ਹਾ ‘ਤੇ ਲਗਾਉ ਜਿੱਥੇ ਤੁਹਾਨੂੰ ਐਲਰਜੀ ਦੇ ਲੱਛਣ ਦਿਖਾਈ ਦੇ ਰਹੇ ਹੋਣ। ਯਾਦ ਰੱਖੋ, ਇਸਨੂੰ ਐਲਰਜੀ ਵਾਲੇ ਖੇਤਰ ਤੇ ਛੱਡ ਦਿਓ, ਮਸਾਜ ਨਾ ਕਰੋ। ਇਸਨੂੰ ਇੱਕ ਘੰਟੇ ਲਈ ਛੱਡ ਦਿਓ। ਤੁਸੀਂ 3-4 ਘੰਟਿਆਂ ਬਾਅਦ ਦੁਬਾਰਾ ਨਾਰੀਅਲ ਤੇਲ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਨਾਲ ਸਕਿਨ ਐਲਰਜੀ ਤੋਂ ਛੁਟਕਾਰਾ ਮਿਲੇਗਾ।
ਐਲੋਵੀਰਾ – ਅਸੀਂ ਸਾਰੇ ਐਲੋਵੇਰਾ ਦੇ ਚਿਕਿਤਸਕ ਗੁਣਾਂ ਤੋਂ ਜਾਣੂ ਹਾਂ। ਐਲੋਵੇਰਾ ਦੀ ਵਰਤੋਂ ਕਈ ਤਰੀਕਿਆਂ ਨਾਲ ਕੀਤੀ ਜਾਂਦੀ ਹੈ। ਕੁੱਝ ਲੋਕ ਇਸਨੂੰ ਜੂਸ ਦੇ ਰੂਪ ਵਿੱਚ ਵੀ ਵਰਤਦੇ ਹਨ। ਇਹ ਚਮੜੀ ਦੀ ਐਲਰਜੀ ਤੋਂ ਛੁਟਕਾਰਾ ਪਾਉਣ ਦਾ ਸਭ ਤੋਂ ਵਧੀਆ ਤਰੀਕਾ ਹੈ। ਜੇ ਤੁਸੀਂ ਐਲਰਜੀ ਕਾਰਨ ਖੁਜਲੀ ਅਤੇ ਚਮੜੀ ਦੀ ਖੁਸ਼ਕਤਾ ਤੋਂ ਪੀੜਤ ਹੋ, ਤਾਂ ਐਲੋਵੇਰਾ ਦੇ ਚਿਕਿਤਸਕ ਗੁਣ ਜਲਣ ਅਤੇ ਖੁਜਲੀ ਤੋਂ ਜਲਦੀ ਰਾਹਤ ਪ੍ਰਦਾਨ ਕਰਦੇ ਹਨ।
ਇੰਝ ਕਰੋ ਇਸਤੇਮਾਲ – ਖੁਜਲੀ ਤੋਂ ਛੁਟਕਾਰਾ ਪਾਉਣ ਲਈ, ਪਹਿਲਾਂ ਕੁੱਝ ਤਾਜ਼ਾ ਐਲੋਵੇਰਾ ਲਓ ਅਤੇ ਇਸ ਨੂੰ ਚਮੜੀ ‘ਤੇ ਲਗਾਓ। ਜੇ ਤੁਹਾਡੇ ਕੋਲ ਐਲੋਵੇਰਾ ਪੌਦਾ ਨਹੀਂ ਹੈ, ਤਾਂ ਤੁਸੀਂ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰ ਸਕਦੇ ਹੋ। ਐਲੋਵੇਰਾ ਜੈੱਲ ਲਗਾ ਕੇ ਇਸ ਨੂੰ 30 ਤੋਂ 40 ਮਿੰਟ ਤੱਕ ਰਹਿਣ ਦਿਓ, ਕੁੱਝ ਦਿਨਾਂ ਵਿੱਚ ਇਸ ਦੀ ਵਰਤੋਂ ਨਾਲ ਖੁਜਲੀ ਅਤੇ ਜਲਣ ਦੀ ਸਮੱਸਿਆ ਤੋਂ ਰਾਹਤ ਮਿਲੇਗੀ।