ਪੁਲਿਸ ਨੂੰ ਬੁੱਧਵਾਰ ਨੂੰ ਵਾਈਕਾਟੋ ਵਿੱਚ ਦੋ ਜਾਇਦਾਦਾਂ ਦੀ ਤਲਾਸ਼ੀ ਦੌਰਾਨ ਨਕਲੀ ਬੈਂਕ ਨੋਟ ਅਤੇ ਉਨ੍ਹਾਂ ਨੂੰ ਬਣਾਉਣ ਲਈ ਵਰਤਿਆ ਜਾਣ ਵਾਲਾ ਸਾਮਾਨ ਮਿਲਿਆ ਹੈ। ਇਹ ਤਲਾਸ਼ੀ ਟੀ ਕੌਹਾਟਾ ਵਿੱਚ ਹੋਈ ਸੀ। ਤਲਾਸ਼ੀ ਦੌਰਾਨ ਪੁਲਿਸ ਨੂੰ ਅਸਲਾ, ਜਾਅਲੀ ਬੈਂਕ ਨੋਟ, ਨੋਟ ਬਣਾਉਣ ਦਾ ਸਾਮਾਨ ਅਤੇ ਨਸ਼ੀਲੇ ਪਦਾਰਥ ਮਿਲੇ ਹਨ। ਇੱਕ ਪਤੇ ‘ਤੇ ਇੱਕ ਚੋਰੀ ਦਾ ਵਾਹਨ ਵੀ ਮਿਲਿਆ ਹੈ। ਪਿਛਲੇ ਹਫ਼ਤੇ ਹੰਟਲੀ ਵਿੱਚ ਰੁਕੇ ਇੱਕ ਵਾਹਨ ਵਿੱਚ $5000 ਦੀ ਜਾਅਲੀ ਨਕਦੀ ਮਿਲਣ ਤੋਂ ਬਾਅਦ ਇਹ ਛਾਪੇਮਾਰੀਆਂ ਹੋਈਆਂ ਹਨ। ਇੰਸਪੈਕਟਰ ਵਿਲ ਲੋਗਰਿਨ ਨੇ ਕਿਹਾ, “ਪੁਲਿਸ ਇਹਨਾਂ ਸਰਚ ਵਾਰੰਟਾਂ ਤੋਂ ਬਾਅਦ ਪੁੱਛਗਿੱਛ ਜਾਰੀ ਰੱਖੇਗੀ।” ਲੋਕ ਰਿਜ਼ਰਵ ਬੈਂਕ ਦੀ ਵੈੱਬਸਾਈਟ ‘ਤੇ ਜਾਅਲੀ ਨੋਟਾਂ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹਨ। ਜਿਸ ਨੂੰ ਵੀ ਨਕਲੀ ਨੋਟ ਮਿਲੇ ਹਨ, ਉਨ੍ਹਾਂ ਨੂੰ 105 ‘ਤੇ ਕਾਲ ਕਰਨ ਲਈ ਕਿਹਾ ਜਾ ਰਿਹਾ ਹੈ।
