ਫੀਫਾ ਵਿਸ਼ਵ ਕੱਪ 2022 ਦੇ ਪਹਿਲੇ ਕੁਆਰਟਰ ਫਾਈਨਲ ਵਿੱਚ ਕ੍ਰੋਏਸ਼ੀਆ (croatia) ਨੇ ਪੈਨਲਟੀ ਸ਼ੂਟਆਊਟ ਵਿੱਚ ਬ੍ਰਾਜ਼ੀਲ ਨੂੰ 4-2 ਨਾਲ ਹਰਾ ਕੇ ਸੈਮੀਫਾਈਨਲ ਵਿੱਚ ਆਪਣੀ ਥਾਂ ਪੱਕੀ ਕਰ ਲਈ ਹੈ। ਨਿਯਮਤ ਸਮੇਂ ਤੱਕ ਕੋਈ ਵੀ ਟੀਮ ਗੋਲ ਨਹੀਂ ਕਰ ਸਕੀ ਸੀ ਪਰ ਨੇਮਾਰ ਨੇ 30 ਮਿੰਟ ਦੇ ਵਾਧੂ ਸਮੇਂ ਵਿੱਚ ਬ੍ਰਾਜ਼ੀਲ ਲਈ ਗੋਲ ਕੀਤਾ। croatia ਨੇ ਮੈਚ ਖਤਮ ਹੋਣ ਤੋਂ ਕੁੱਝ ਮਿੰਟ ਪਹਿਲਾਂ ਗੋਲ ਕਰਕੇ ਮੈਚ ਨੂੰ ਸ਼ੂਟਆਊਟ ਤੱਕ ਪਹੁੰਚਾ ਦਿੱਤਾ।
ਦੋਵੇਂ ਟੀਮਾਂ ਨੇ ਪਹਿਲੇ 90 ਮਿੰਟਾਂ ਵਿੱਚ ਲਗਾਤਾਰ ਗੋਲ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕੋਈ ਵੀ ਗੋਲ ਨਹੀਂ ਕਰ ਸਕਿਆ। croatia ਨੇ ਕੁੱਝ ਮੌਕਿਆਂ ‘ਤੇ ਸ਼ਾਨਦਾਰ ਹਮਲਾ ਕੀਤਾ ਅਤੇ ਗੋਲ ਕਰਨ ਦੇ ਨੇੜੇ ਪਹੁੰਚਿਆ, ਪਰ ਆਖਰੀ ਤੀਜੇ ‘ਚ ਕਾਮਯਾਬ ਨਹੀਂ ਹੋ ਸਕਿਆ। ਨੇਮਾਰ ਬ੍ਰਾਜ਼ੀਲ ਲਈ ਆਪਣੀ ਛਾਪ ਛੱਡਣ ਵਿੱਚ ਅਸਮਰੱਥ ਸੀ ਅਤੇ ਜਿਵੇਂ ਹੀ ਮੈਚ ਵਾਧੂ ਸਮੇਂ ਵਿੱਚ ਗਿਆ, ਨੇਮਾਰ ਅਤੇ ਬ੍ਰਾਜ਼ੀਲ ਦੋਵਾਂ ਦੀ ਖੇਡ ਪੂਰੀ ਤਰ੍ਹਾਂ ਬਦਲ ਗਈ ਅਤੇ ਉਨ੍ਹਾਂ ਨੇ ਮੈਚ ਵਿੱਚ ਬੜ੍ਹਤ ਬਣਾ ਲਈ।
croatia ਨੇ ਵੀ ਪੂਰਾ ਜ਼ੋਰ ਲਾਇਆ ਅਤੇ ਮੈਚ ਖਤਮ ਹੋਣ ਤੋਂ ਕੁੱਝ ਮਿੰਟ ਪਹਿਲਾਂ ਹੀ ਗੋਲ ਕਰਕੇ ਸਕੋਰ ਬਰਾਬਰ ਕਰ ਦਿੱਤਾ। ਸ਼ੂਟ ਆਊਟ ਵਿੱਚ croatia ਨੇ ਲਗਾਤਾਰ ਦੋ ਗੋਲ ਕੀਤੇ ਅਤੇ ਪਹਿਲੀ ਕਿੱਕ ਬ੍ਰਾਜ਼ੀਲ ਤੋਂ ਖੁੰਝ ਗਈ। croatia ਨੇ ਜਿੱਥੇ ਲਗਾਤਾਰ ਗੋਲ ਕੀਤੇ ਪਰ ਬ੍ਰਾਜ਼ੀਲ ਦੀ ਟੀਮ ਤੋਂ ਗਲਤੀਆਂ ਹੁੰਦੀਆਂ ਰਹੀਆਂ ਅਤੇ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪੇਲੇ ਨੇ ਬ੍ਰਾਜ਼ੀਲ ਲਈ 77 ਗੋਲ ਕੀਤੇ ਹਨ ਅਤੇ ਹੁਣ ਨੇਮਾਰ ਨੇ ਵੀ ਉਸ ਦੀ ਬਰਾਬਰੀ ਕਰ ਲਈ ਹੈ। ਹੁਣ ਜਿਵੇਂ ਹੀ ਨੇਮਾਰ ਇੱਕ ਹੋਰ ਗੋਲ ਕਰੇਗਾ, ਉਹ ਬ੍ਰਾਜ਼ੀਲ ਲਈ ਸਭ ਤੋਂ ਵੱਧ ਗੋਲ ਕਰਨ ਵਾਲਾ ਖਿਡਾਰੀ ਬਣ ਜਾਵੇਗਾ। ਨੇਮਾਰ ਨੇ ਫੀਫਾ ਵਿਸ਼ਵ ਕੱਪ ਵਿੱਚ ਅੱਠਵਾਂ ਗੋਲ ਕੀਤਾ। ਹਾਲਾਂਕਿ ਇਸ ਵੱਡੀ ਪ੍ਰਾਪਤੀ ਦੇ ਬਾਵਜੂਦ ਉਹ ਆਪਣੀ ਟੀਮ ਨੂੰ ਸੈਮੀਫਾਈਨਲ ਤੱਕ ਨਹੀਂ ਪਹੁੰਚਾ ਸਕੇ। ਇਨ੍ਹਾਂ ਦੋਨਾਂ ਖਿਡਾਰੀਆਂ ਤੋਂ ਇਲਾਵਾ ਰੋਨਾਲਡੋ ਨਾਜ਼ਾਰੀਓ ਡੀ ਲੀਮਾ ਨੇ ਬ੍ਰਾਜ਼ੀਲ ਲਈ ਸਭ ਤੋਂ ਵੱਧ 62 ਗੋਲ ਕੀਤੇ ਹਨ।