ਆਕਲੈਂਡ ਵਾਸੀਆਂ ਦੀ ਜੇਬ ‘ਤੇ ਜਲਦ ਬੋਝ ਵੱਧ ਸਕਦਾ ਹੈ। ਦਰਅਸਲ ਕੌਂਸਲ ਦੀ ਮੀਟਿੰਗ ‘ਚ ਸ਼ਹਿਰ ਵਾਸੀਆਂ ਤੋਂ ਇੱਕ ਨਵੇਂ ਟੈਕਸ ਸਬੰਧੀ ਰਾਏਸ਼ੁਮਾਰੀ ਲਈ ਜਾਵੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਕਿਸੇ ਹੋਟਲ ਜਾ ਅਕੋਮੋਡੇਸ਼ਨ ‘ਚ ਗੁਜਾਰੀ ਰਾਤ ਕਾਰਨ ਤੁਹਾਡੀ ਜੇਬ ‘ਤੇ ਬੋਝ ਵੱਧ ਸਕਦਾ ਹੈ। ਨਵਾਂ ਟੈਕਸ 2.5 ਫੀਸਦੀ ਤੋਂ ਲੈ ਕੇ 3 ਫੀਸਦੀ ਤੱਕ ਹੋਵੇਗਾ। ਇਹ ਹਰੇਕ ਵੀਜੀਟਰ ਨਾਈਟ ‘ਤੇ ਲਗਾਇਆ ਜਾਵੇਗਾ ਯਾਨੀ ਕਿ ਵੀਜੀਟਰ ਨਾਈਟ ਦਾ ਭਾਵ ਕਿਸੇ ਵੱਲੋਂ ਹੋਟਲ ਜਾਂ ਹੋਰ ਅਕੋਮੋਡੇਸ਼ਨ ਵਿੱਚ ਗੁਜਾਰੀ ਹਰੇਕ ਰਾਤ। ਕੌਂਸਲ ਨੂੰ ਬਿੱਲ ਪਾਸ ਕਰਨ ਲਈ ਸਰਕਾਰ ਦੀ ਮਨਜੂਰੀ ਵੀ ਲੈਣੀ ਪਏਗੀ, ਪਰ ਮੇਅਰ ਵੇਨ ਬਰਾਉਨ ਅਨੁਸਾਰ ਆਕਲੈਂਡ ਵਾਸੀ ਇਸ ਬਾਰੇ ਕੀ ਸੋਚਦੇ ਹਨ, ਇਸ ‘ਤੇ ਵੀ ਵਿਚਾਰ ਕਰਨਾ ਜਰੂਰੀ ਹੈ।
