ਨਿਊਜ਼ੀਲੈਂਡ ‘ਚ ਹੁੰਦੀਆਂ ਚੋਰੀਆਂ ਨਾਲ ਜੁੜਿਆ ਹੁਣ ਇੱਕ ਸ਼ਰਮਨਾਕ ਮਾਮਲਾ ਸਾਹਮਣੇ ਆਇਆ ਹੈ। ਦਰਅਸਲ ਸ਼ੁੱਕਰਵਾਰ ਨੂੰ ਹੈਗਲੇ ਓਵਲ ਮੈਦਾਨ ਤੋਂ ਰਾਤੋ-ਰਾਤ ਕਈ ਚੀਜ਼ਾਂ ਦੀ ਚੋਰੀ ਹੋਈ ਹੈ, ਜਿੱਥੇ ਨਿਊਜ਼ੀਲੈਂਡ ਬਨਾਮ ਇੰਗਲੈਂਡ ਕ੍ਰਿਕਟ ਟੈਸਟ ਖੇਡਿਆ ਜਾ ਰਿਹਾ ਹੈ। ਯੂਕੇ ਦੇ ਪ੍ਰਸਾਰਕ ਟਾਕਸਪੋਰਟ ਨੇ ਐਕਸ ‘ਤੇ ਰਿਪੋਰਟ ਦਿੱਤੀ ਕਿ ਉਨ੍ਹਾਂ ਦੇ ਦੋ ਕੈਮਰੇ ਚੋਰੀ ਹੋ ਗਏ ਸਨ, ਜਿਸਦਾ ਮਤਲਬ ਹੈ ਕਿ ਉਹ ਹੁਣ ਆਪਣੇ ਯੂਟਿਊਬ ਚੈਨਲਾਂ ‘ਤੇ ਟੈਸਟ ਮੈਚ ਦਾ ਬਾਕੀ ਪ੍ਰਸਾਰਣ ਨਹੀਂ ਕਰ ਸਕਣਗੇ। ਸਥਾਨ ਦੇ ਮਾਲਕ, Venues Ōtautahi, ਨੇ ਪੁਸ਼ਟੀ ਕੀਤੀ ਕਿ ਇਹ ਇੱਕ ਸੁਰੱਖਿਆ ਉਲੰਘਣਾ ਸੀ ਅਤੇ ਕੈਮਰੇ ਇੱਕ ਤਾਲਾਬੰਦ ਇਲਾਕੇ ਤੋਂ ਚੋਰੀ ਕੀਤੀਆਂ ਗਈਆਂ ਕਈ ਚੀਜ਼ਾਂ ਵਿੱਚੋਂ ਇੱਕ ਸਨ। ਇੱਥੋਂ ਲੈਪਟਾਪ ਅਤੇ ਟੀਵੀ ਵੀ ਚੋਰੀ ਹੋਇਆ ਹੈ। ਫਿਲਹਾਲ ਪੁਲਿਸ ਦੇ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
