ਵਾਇਕਾਟੋ ਦੇ 25 ਸਾਲਾ ਨੌਜਵਾਨ ਨੈਥਨ ਐਬਲ ਦੀ ਇਸ ਸਮੇਂ ਪੂਰੇ ਵਿਸ਼ਵ ‘ਚ ਚਰਚਾ ਹੋ ਰਹੀ ਹੈ। ਦਰਅਸਲ ਨੈਥਨ ਨੇ ਆਪਣੀ ਜਾਨ ‘ਤੇ ਖੇਡ ਕੇ ਕਾਰ ਸਣੇ ਝੀਲ ‘ਚ ਡੁੱਬ ਰਹੀ ਬਜ਼ੁਰਗ ਮਹਿਲਾ ਦੀ ਜਾਨ ਬਚਾਈ ਹੈ। ਇਹ ਮਾਮਲਾ ਵਾਇਕਾਟੋ ਯੂਨੀਵਰਸਿਟੀ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਬਜ਼ੁਰਗ ਮਹਿਲਾ ਨੇ ਗਲਤੀ ਨਾਲ ਗੱਡੀ ਦਾ ਬੈਕਗਿਅਰ ਪਾ ਦਿੱਤਾ ਸੀ ਤੇ ਉਹ ਗੱਡੀ ਸਮੇਤ ਝੀਲ ਦੇ ਜਮਾ ਦੇਣ ਵਾਲੇ ਠੰਢੇ ਪਾਣੀ ਵਿੱਚ ਜਾ ਡਿੱਗੀ। ਇਸ ਮਗਰੋਂ ਨੈਥਨ ਨੇ ਪਾਣੀ ਵਿੱਚ ਛਾਲ ਮਾਰੀ ਤੇ ਬਜ਼ੁਰਗ ਮਹਿਲਾ ਨੂੰ ਮਸਾਂ ਕਿਸੇ ਤਰੀਕੇ ਗੱਡੀ ਵਿੱਚੋਂ ਬਾਹਰ ਕੱਢਿਆ। ਇਸ ਮਗਰੋਂ ਬਜ਼ੁਰਗ ਨੇ ਸ਼ੁਕਰਾਨੇ ਵਜੋਂ ਨੈਥਨ ਤੇ ਮੱਥੇ ਨੂੰ ਚੁੰਮਿਆ ਤੇ ਉਸਦਾ ਧੰਨਵਾਦ ਕੀਤਾ ਤੇ ਮੌਕੇ ‘ਤੇ ਮੌਜੂਦ ਹਰ ਕਿਸੇ ਨੇ ਨੈਥਨ ਦੀ ਸ਼ਲਾਂਘਾ ਕੀਤੀ।
