ਆਕਲੈਂਡ ਵਿੱਚ ਰੇਲ ਸੇਵਾਵਾਂ ਫਿਰ ਤੋਂ ਆਮ ਦਿਨਾਂ ਵਾਂਗ ਸ਼ੁਰੂ ਹੋ ਗਈਆਂ ਹਨ ਦਰਅਸਲ ਬਿਜਲੀ ਦੇ ਕੱਟ ਮਗਰੋਂ ਵੀਰਵਾਰ ਸ਼ਾਮ ਦੇ ਸ਼ੁਰੂ ਵਿੱਚ ਭੀੜ-ਭੜੱਕੇ ਵਾਲੀਆਂ ਕਈ ਟਰੇਨਾਂ ਨੂੰ ਰੋਕ ਦਿੱਤਾ ਗਿਆ ਸੀ। ਕੀਵੀਰੇਲ ਦੇ ਮੁੱਖ ਸੰਚਾਲਨ ਅਧਿਕਾਰੀ ਸਿਵਾ ਸਿਵਾਪੱਕਿਅਮ ਨੇ ਇੱਕ ਬਿਆਨ ‘ਚ ਦੱਸਿਆ ਕਿ ਪਾਵਰ ਆਊਟ ਹੋਣ ਦਾ ਕਾਰਨ ਪੈਨਰੋਜ਼ ਅਤੇ ਪਾਪਾਕੁਰਾ ਵਿਚਕਾਰ 28 ਕਿਲੋਮੀਟਰ ਲਾਈਨ ਦੇ ਹਿੱਸੇ ‘ਤੇ ਇੱਕ ਸ਼ਾਰਟ-ਸਰਕਟ ਸੀ।
ਉਨ੍ਹਾਂ ਕਿਹਾ ਕਿ, “ਵੈਸਟਫੀਲਡ (ਪੇਨਰੋਜ਼ ਸਟੇਸ਼ਨ ਦੇ ਦੱਖਣ ਵਿੱਚ) ਅਤੇ ਪਾਪਾਕੁਰਾ ਵਿਚਕਾਰ ਓਵਰਹੈੱਡ ਲਾਈਨਾਂ ਅੱਜ ਦੁਪਹਿਰ 4.50 ਵਜੇ ਤੋਂ ਠੀਕ ਪਹਿਲਾਂ ਸ਼ਾਰਟ-ਸਰਕਟ (ਟਰਿੱਪ) ਹੋ ਗਈਆਂ ਸਨ, ਜਿਸ ਨੇ ਆਪਣੇ ਆਪ ਹੀ ਦੱਖਣੀ ਲਾਈਨ ਦੇ ਉਸ ਹਿੱਸੇ ਲਈ ਬਿਜਲੀ ਬੰਦ ਕਰ ਦਿੱਤੀ ਸੀ। ਇਹ ਲਾਈਨ ਦੇ ਉਸ ਹਿੱਸੇ ‘ਤੇ ਯਾਤਰਾ ਕਰ ਰਹੀ ਏਟੀ ਇਲੈਕਟ੍ਰਿਕ ਰੇਲਗੱਡੀ ਵਿੱਚ ਨੁਕਸ ਕਾਰਨ ਹੋਇਆ ਸੀ। ਕੀਵੀਰੇਲ ਨੇ ਸ਼ਾਮ 5.35 ਵਜੇ ਪਾਵਰ ਨੂੰ ਵਾਪਸ ਚਾਲੂ ਕਰ ਦਿੱਤਾ ਸੀ।” ਆਕਲੈਂਡ ਟ੍ਰਾਂਸਪੋਰਟ ਨੇ ਇੱਕ ਟਵੀਟ ਵਿੱਚ ਕਿਹਾ ਕਿ ਰੇਲ ਸੇਵਾਵਾਂ ਆਮ ਵਾਂਗ ਸ਼ੁਰੂ ਹੋ ਗਈਆਂ ਹਨ ਪਰ ਦੱਖਣੀ ਅਤੇ ਪੂਰਬੀ ਲਾਈਨਾਂ ‘ਤੇ ਦੇਰੀ ਅਤੇ ਰੱਦ ਹੋਣ ਦੀ ਉਮੀਦ ਹੈ।
Trains will now be running their full Southern Line and the Eastern Line via Newmarket routes, but it will take time to return to schedule.
Delays and cancellations are still expected.
Scheduled buses will accept rail tickets on the Southern and Eastern Lines. https://t.co/XqluOw3P7w— Auckland Transport Travel Alerts (@AT_TravelAlerts) May 18, 2023