ਆਕਲੈਂਡ ਹਾਰਬਰ ਬ੍ਰਿਜ ਲਈ ਬੁੱਧਵਾਰ ਰਾਤ ਤੋਂ ਵੀਰਵਾਰ ਸਵੇਰ ਤੱਕ ਹਵਾ ਦੀ ਚੇਤਾਵਨੀ ਜਾਰੀ ਹੈ। NZ ਟਰਾਂਸਪੋਰਟ ਏਜੰਸੀ/ਵਾਕਾ ਕੋਟਾਹੀ ਨੇ ਇੱਕ ਬਿਆਨ ਜਾਰੀ ਕੀਤਾ ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਪੁਲ ਦੀ ਵਰਤੋਂ ਕਰਨ ਵਾਲੇ ਵਾਹਨ ਚਾਲਕਾਂ ਲਈ ਇਸਦਾ ਕੀ ਅਰਥ ਹੈ। ਏਜੰਸੀ ਨੇ ਕਿਹਾ, “ਅੱਜ ਬੁੱਧਵਾਰ 6 ਵਜੇ ਤੋਂ ਵੀਰਵਾਰ ਸਵੇਰੇ 7 ਵਜੇ ਤੱਕ, ਆਕਲੈਂਡ ਹਾਰਬਰ ਬ੍ਰਿਜ ਲਈ 75-85km/h ਦੀ ਰਫ਼ਤਾਰ ਨਾਲ ਪੱਛਮੀ ਹਵਾਵਾਂ ਚੱਲਣ ਦੀ ਭਵਿੱਖਬਾਣੀ ਦੇ ਨਾਲ ਇੱਕ amber alert ਚੇਤਾਵਨੀ ਦਿੱਤੀ ਗਈ ਹੈ।”
amber ਅਲਰਟ ਦੇ ਤਹਿਤ, ਸਪੀਡ ਘਟਾ ਦਿੱਤੀ ਜਾਂਦੀ ਹੈ ਅਤੇ ਪੁਲ ‘ਤੇ ਕੁਝ ਲੇਨਾਂ ਬੰਦ ਕਰ ਦਿੱਤੀਆਂ ਜਾਂਦੀਆਂ ਹਨ ਅਤੇ ਰੈੱਡ ਅਲਰਟ ਦੇ ਤਹਿਤ, ਪੁਲ ‘ਤੇ ਸਾਰੀਆਂ ਲੇਨਾਂ ਬੰਦ ਹੋ ਜਾਂਦੀਆਂ ਹਨ। ਗਰਜ਼-ਤੂਫ਼ਾਨ ਅਤੇ ਭਾਰੀ ਮੀਂਹ ਦੌਰਾਨ ਹਵਾਵਾਂ ਦੇ ਥੋੜ੍ਹੇ ਸਮੇਂ ਲਈ 90-100km/h (ਰੈੱਡ ਅਲਰਟ ਦੇ ਸੰਕੇਤ) ਤੱਕ ਵਧਣ ਦੀ ਸੰਭਾਵਨਾ ਹੈ।