ਨਿਊਜ਼ੀਲੈਂਡ ਦੇ ਭਾਰਤੀ ਮੂਲ ਦੇ ਕਾਰੋਬਾਰੀ ਦਿਲੀ ਕੁਮਾਰ ਰੂਪਾ ਦੇ ਨਾਲ ਜੁੜੀ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਆਕਲੈਂਡ ਕਾਊਂਸਲ ਫਰੀਮੇਨ ਬੇਅ ਦੇ ਕੈਫੇ ਤੇ ਗਰੇਲਿਨ ਦੇ ਘਰ ਨੂੰ ਧੱਕੇ ਨਾਲ ਵੇਚਣ ਦੀ ਤਿਆਰੀ ‘ਚ ਹੈ। ਇੱਕ ਰਿਪੋਰਟ ਮੁਤਾਬਿਕ ਭਾਰਤੀ ਮੂਲ ਦੇ ਕਾਰੋਬਾਰੀ ਨੇ ਆਕਲੈਂਡ ਕਾਊਂਸਲ ਨੂੰ ਟੈਕਸਾਂ ਦੇ ਰੂਪ ‘ਚ $900,000 ਦੇ ਕਰੀਬ ਦੀ ਅਦਾਇਗੀ ਦੇਣੀ ਹੈ, ਇਹ ਅਦਾਇਗੀ ਵੀ ਕਈ ਸਾਲਾਂ ਤੋਂ ਬਕਾਇਆ ਦੱਸੀ ਜਾ ਰਹੀ ਹੈ ਇਸੇ ਕਾਰਨ ਹੁਣ ਆਕਲੈਂਡ ਕਾਊਂਸਲ ਨੇ ਆਕਲੈਂਡ ਦੇ ਇਤਿਹਾਸ ਦੀ ਹੁਣ ਤੱਕ ਦੀ ਇਸ ਸਭ ਤੋਂ ਵੱਡੀ ਬਕਾਇਆ ਟੈਕਸ ਅਦਾਇਗੀ ਤੇ ਪਨੇਲਟੀ ਡੈਬਟ ਨੂੰ ਵਸੂਲਣ ਦੀ ਤਿਆਰੀ ਕਰ ਲਈ ਹੈ। ਇੱਕ ਸਥਾਨਕ ਚੈੱਨਲ ਮੁਤਾਬਿਕ ਇਸੇ ਭਾਰਤੀ ਕਾਰੋਬਾਰੀ ਨੂੰ ਕੋਰੋਨਾ ਮਹਾਂਮਾਰੀ ਦੌਰਾਨ ਕਿਊ ਆਰ ਕੋਡ ਕਾਰੋਬਾਰ ‘ਤੇ ਡਿਸਪਲੇਅ ਨਾ ਕਰਨ ਦੇ ਚਲਦਿਆਂ ਕੇਸ ਦੀ ਕਾਰਵਾਈ ਤੋਂ ਬਾਅਦ $1500 ਦਾ ਜੁਰਮਾਨਾ ਵੀ ਲਾਇਆ ਗਿਆ ਸੀ।
