ਆਕਲੈਂਡ ਕੌਂਸਲ ਨੇ ਸ਼ਰਾਬ ਦੇ ਸ਼ੌਕੀਨਾਂ ਨੂੰ ਵੱਡਾ ਝਟਕਾ ਦਿੱਤਾ ਹੈ। ਦਰਅਸਲ ਸ਼ਹਿਰ ‘ਚ ਸ਼ਰਾਬ ਦੀ ਵਿਕਰੀ ਰਾਤ 9 ਵਜੇ ਤੱਕ ਸੀਮਿਤ ਕਰ ਦਿੱਤੀ ਗਈ ਹੈ। ਦੱਸ ਦੇਈਏ ਕਾਰੋਬਾਰਾਂ ਜਾਂ ਹੋਰ ਲਾਇਸੈਂਸਸ਼ੁਧਾ ਥਾਵਾਂ ‘ਤੇ ਯਾਨੀ ਕਿ ਰੈਸਟੋਰੈਂਟ ਤੇ ਬਾਰ ਆਦਿ ਵਿੱਚ ਸ਼ਰਾਬ ਤੜਕੇ 4 ਵਜੇ ਤੱਕ (ਸੀਬੀਡੀ) ਤੇ ਉਸਤੋਂ ਬਾਹਰ ਦੇ ਇਲਾਕਿਆਂ ਵਿੱਚ ਤੜਕੇ 3 ਵਜੇ ਤੱਕ ਹੀ ਮਿਲ ਸਕੇਗੀ। ਮੀਡੀਆ ਰਿਪੋਰਟਾਂ ਅਨੁਸਾਰ ਇਹ ਫੈਸਲਾ ਸ਼ਰਾਬ ਕਾਰਨ ਵੱਧਦੇ ਅਪਰਾਧਿਕ ਮਾਮਲਿਆਂ ਕਾਰਨ ਲਿਆ ਗਿਆ ਹੈ। ਇਹ ਫੈਸਲਾ ਲੈਣ ਤੋਂ ਪਹਿਲਾਂ ਕਾਰੋਬਾਰਾਂ, ਆਮ ਲੋਕਾਂ ਨਾਲ ਕਾਉਂਸਲ ਵੱਲੋਂ ਸਲਾਹ-ਮਸ਼ਵਰਾ ਵੀ ਕੀਤਾ ਗਿਆ ਸੀ।
