ਆਕਲੈਂਡ ਦੇ ਮਾਈਕਲ ਹਿੱਲ ਸਟੋਰ ‘ਤੇ ਐਤਵਾਰ ਸਵੇਰੇ ਹੋਈ ਲੁੱਟ ਤੋਂ ਬਾਅਦ 20 ਸਾਲਾ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਸਵੇਰੇ 11:20 ਵਜੇ ਦੇ ਕਰੀਬ ਸਿਲਵਰਡੇਲ ਸਟਰੀਟ ‘ਤੇ ਸਿਲਵਰਡੇਲ ਮਾਲ ਦੇ ਅੰਦਰ ਤੋੜ-ਭੰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਇੱਕ ਪੁਲਿਸ ਬੁਲਾਰੇ ਨੇ ਕਿਹਾ, “ਅਪਰਾਧੀ ਇੱਕ ਹਥੌੜੇ ਨਾਲ ਲੈਸ ਸੀ, ਅਤੇ fog cannon ਦੇ ਐਕਟਿਵ ਹੋਣ ਤੋਂ ਬਾਅਦ ਸਟੋਰ ਤੋਂ ਭੱਜ ਗਿਆ ਸੀ।” ਅੱਜ ਸਵੇਰੇ ਸਿਲਵਰਡੇਲ ਮਾਲ ਦੇ ਬਾਹਰ ਐਮਰਜੈਂਸੀ ਸੇਵਾਵਾਂ ਦੇ ਭੀੜ-ਭੜੱਕੇ ਤੋਂ ਬਾਅਦ ਇਹ ਗ੍ਰਿਫਤਾਰੀ ਹੋਈ ਹੈ।
ਮਾਈਕਲ ਹਿੱਲ ਦੇ ਬੁਲਾਰੇ ਨੇ ਦੱਸਿਆ ਕਿ ਇੱਕ ਵਿਅਕਤੀ ਮਾਈਕਲ ਹਿੱਲ ਦੇ ਸਿਲਵਰਡੇਲ ਸਟੋਰ ਵਿੱਚ ਡਕੈਤੀ ਦੀ ਕੋਸ਼ਿਸ਼ ਵਿੱਚ ਦਾਖਲ ਹੋਇਆ ਪਰ ਬਖਤਰਬੰਦ ਸ਼ੀਸ਼ੇ ਦੇ ਡਿਸਪਲੇਅ ਵਿੱਚ ਦਾਖਲ ਹੋਣ ਵਿੱਚ ਅਸਮਰੱਥ ਰਿਹਾ ਸੀ। ਬੁਲਾਰੇ ਨੇ ਕਿਹਾ, “fog cannon ਵੀ ਸਰਗਰਮ ਕੀਤੀਆਂ ਗਈਆਂ ਸਨ। ਹਮਲਾਵਰ ਮੌਕੇ ਤੋਂ ਭੱਜ ਗਿਆ ਅਤੇ ਉਸ ਨੂੰ ਪੁਲਿਸ ਨੇ ਕਾਬੂ ਕਰ ਲਿਆ ਹੈ।” ਇਸ ਦੌਰਾਨ ਵਿਅਸਤ ਮਾਲ ਦੇ ਖਰੀਦਦਾਰਾਂ ਨੂੰ ਵੀ ਬਾਹਰ ਕੱਢਿਆ ਗਿਆ ਸੀ।