ਨਿਊਜ਼ੀਲੈਂਡ ਦੇ ਕਰਮਚਾਰੀਆਂ ਲਈ ਇੱਕ ਵੱਡੀ ਅਤੇ ਅਹਿਮ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਨਿਊਜ਼ੀਲੈਂਡ ਸਰਕਾਰ ਮੌਜੂਦਾ ਹੋਲੀਡੇਅ ਐਕਟ ਨੂੰ ਸੌਖਾ ਬਣਾਉਣ ਦੇ ਲਈ ਟਾਰਗੇਟਡ ਕੰਸਲਟੇਸ਼ਨ (ਰਾਏਸ਼ੁਮਾਰੀ) ਸ਼ੁਰੂ ਕਰਨ ਜਾ ਰਹੀ ਹੈ। ਯਾਨੀ ਕਿ ਕਾਰੋਬਾਰਾਂ ਤੇ ਕਰਮਚਾਰੀਆਂ ਨਾਲ ਮਿਲ ਸਰਕਾਰ ਵੱਲੋਂ ਇਸ ਕਾਨੂੰਨ ਸੁਖਾਲਾ ਬਣਾਇਆ ਜਾਵੇਗਾ। ਰਿਪੋਰਟਾਂ ਅਨੁਸਾਰ ਇਹ ਬਦਲਾਅ ਸਤੰਬਰ ‘ਚ ਹੋਵੇਗਾ। ਦੱਸ ਦੇਈਏ ਕਿ ਮੌਜੂਦਾ ਸਮੇਂ ‘ਚ ਕਰਮਚਾਰੀਆਂ ਨੂੰ ਹੋਲੀਡੇਅ ਪੇਅ ਜਾਂ ਸਿੱਕ ਲੀਵ ਸਹੀ ਢੰਗ ਨਾਲ ਦਿੱਤੇ ਜਾਣ ਜਾਂ ਹਾਸਿਲ ਕਰਨ ਵਿੱਚ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਇਸੇ ਦੇ ਚੱਲਦਿਆਂ ਸਰਕਾਰ ਇਸ ‘ਚ ਬਦਲਾਅ ਕਰ ਇਸਨੂੰ ਸੁਖਾਲਾ ਬਣਾਉਣ ਦੀ ਕੋਸ਼ਿਸ ਕਰ ਰਹੀ ਹੈ। ਜਿਸਦਾ ਸਿੱਧਾ ਅਸਰ ਕਰਮਚਾਰੀਆਂ ‘ਤੇ ਪਏਗਾ। ਇੱਕ ਰਿਪੋਰਟ ਮੁਤਾਬਿਕ ਹੈਲਥ ਨਿਊਜੀਲੈਂਡ ਦੇ ਕਰੀਬ 210,000 ਮੌਜੂਦਾ ਤੇ ਸਾਬਕਾ ਕਰਮਚਾਰੀਆਂ ਨੂੰ ਹੋਲੀਡੇਅ ਪੇਅ ਅਤੇ ਸੀਕ ਲੀਵ ਲਈ ਕਰੀਬ $2 ਬਿਲੀਅਨ ਦਿੱਤੇ ਜਾਣੇ ਬਕਾਇਆ ਹਨ ਜੋ ਹੋਲੀਡੇਜ਼ ਐਕਟ ਰੇਮਡੀਏਸ਼ਨ ਪ੍ਰੋਜੈਕਟ ਅਧੀਨ ਆਉਂਦੇ ਹਨ। ਇਸ ਤਰਾਂ ਬਹੁਤ ਸਾਰੇ ਕਰਮਚਾਰੀ ਆਪਣੇ ਹੱਕਾਂ ਤੋਂ ਵਾਂਝੇ ਰਹਿ ਜਾਂਦੇ ਹਨ।
