ਸੋਮਵਾਰ ਨੂੰ ਭਾਰਤ ‘ਚ ਇੱਕ ਹੈਲਥ ਇੰਡੈਕਸ ਜਾਰੀ ਕੀਤਾ ਗਿਆ ਹੈ ਜਿਸ ਵਿੱਚ ਸੂਬਿਆਂ ਨੂੰ ਸਿਹਤ ਸੇਵਾਵਾਂ ਦੇਣ ਦੇ ਮਾਮਲੇ ‘ਚ ਰੇਟਿੰਗ ਦਿੱਤੀ ਗਈ ਹੈ। ਨੀਤੀ ਆਯੋਗ ਵੱਲੋਂ ਜਾਰੀ ਹੈਲਥ ਇੰਡੈਕਸ ਵਿੱਚ ਭਾਰਤ ਦੇ ਦੱਖਣੀ ਸੂਬਿਆਂ ਨੇ ਬਾਜ਼ੀਮਾਰੀ ਹੈ, ਜਦਕਿ ਉੱਤਰੀ ਸੂਬਿਆਂ ਦੀ ਹਾਲਤ ਖ਼ਰਾਬ ਹੈ। ਹੈਲਥ ਇੰਡੈਕਸ ਦੇ ਅਨੁਸਾਰ, ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਦੇ ਮਾਮਲੇ ਵਿੱਚ ਕੇਰਲ ਦੇਸ਼ ਵਿੱਚ ਪਹਿਲੇ ਸਥਾਨ ‘ਤੇ ਰਿਹਾ ਹੈ, ਜਦਕਿ ਉੱਤਰ ਪ੍ਰਦੇਸ਼ ਆਖਰੀ ਸਥਾਨ ‘ਤੇ ਰਿਹਾ ਹੈ।
ਉੱਥੇ ਹੀ ਇਸ ਸੂਚੀ ‘ਚ ਪੰਜਾਬ ਨੂੰ 8ਵਾਂ ਸਥਾਨ ਮਿਲਿਆ ਹੈ। ਬਿਹਤਰ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਦੇ ਮਾਮਲੇ ਵਿੱਚ ਪੰਜਾਬ 8 ਵੇਂ ਨੰਬਰ ‘ਤੇ ਹੈ। ਇਸ ਸੂਚੀ ਵਿੱਚ ਦੂਜੇ ਨੰਬਰ ‘ਤੇ ਤਾਮਿਲਨਾਡੂ ਹੈ। ਉੱਤਰ ਪ੍ਰਦੇਸ਼ 19ਵੇਂ ਅਤੇ ਬਿਹਾਰ 18ਵੇਂ ਨੰਬਰ ‘ਤੇ ਹੈ। ਬਿਹਤਰ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਦੇ ਮਾਮਲੇ ਵਿੱਚ, ਮਿਜ਼ੋਰਮ ਛੋਟੇ ਰਾਜਾਂ ਵਿੱਚੋਂ ਪਹਿਲੇ ਸਥਾਨ ‘ਤੇ ਹੈ, ਜਦਕਿ ਤ੍ਰਿਪੁਰਾ ਅਤੇ ਨਾਗਾਲੈਂਡ ਦੂਜੇ ਸਥਾਨ ‘ਤੇ ਹਨ। ਇਸ ਦੇ ਨਾਲ ਹੀ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ‘ਚ ਦਾਦਰਾ ਨਗਰ ਹਵੇਲੀ ਪਹਿਲੇ ਨੰਬਰ ‘ਤੇ ਅਤੇ ਚੰਡੀਗੜ੍ਹ ਦੂਜੇ ਨੰਬਰ ‘ਤੇ ਹੈ। ਹਾਲਾਂਕਿ ਦਿੱਲੀ 5ਵੇਂ ਨੰਬਰ ‘ਤੇ ਹੈ।