ਪੰਜਾਬ ‘ਚ ਢਾਈ ਦਹਾਕਿਆਂ ਬਾਅਦ ਸਭ ਤੋਂ ਘੱਟ ਮਤਦਾਨ, ਉਤਸ਼ਾਹ ‘ਤੇ ਗਰਮੀ ਦਾ ਅਸਰ, ਜਾਣੋ ਕਿੰਨੇ ਫ਼ੀਸਦੀ ਲੋਕਾਂ ਨੇ ਪਾਈਆਂ ਵੋਟਾਂ !

ਪੰਜ ਦਰਿਆਵਾਂ ਦੀ ਧਰਤੀ ਪੰਜਾਬ ਦੀਆਂ 13 ਸੰਸਦੀ ਸੀਟਾਂ ‘ਤੇ ਵੋਟਿੰਗ ਦੇ ਆਖਰੀ ਪੜਾਅ ‘ਚ ਸ਼ਨੀਵਾਰ ਨੂੰ ਵੋਟਰਾਂ ਦੇ ਉਤਸ਼ਾਹ ‘ਤੇ ਗਰਮੀ ਦਾ ਅਸਰ ਜ਼ਿਆਦਾ ਦੇਖਣ ਨੂੰ ਮਿਲਿਆ। ਪਿਛਲੇ ਢਾਈ ਦਹਾਕਿਆਂ ਦੇ ਮੁਕਾਬਲੇ ਇਸ ਵਾਰ ਸਭ ਤੋਂ ਘੱਟ 61.32 ਫੀਸਦੀ ਵੋਟਿੰਗ ਹੀ ਦਰਜ ਕੀਤੀ ਗਈ। ਰਾਜ ਵਿੱਚ ਸਭ ਤੋਂ ਘੱਟ ਮਤਦਾਨ 1992 ਵਿੱਚ 23.96% ਅਤੇ 1999 ਦੀਆਂ ਲੋਕ ਸਭਾ ਚੋਣਾਂ ਵਿੱਚ 56.11% ਸੀ।

ਵੋਟ ਪ੍ਰਤੀਸ਼ਤ 2004 ਵਿੱਚ 61.58%, 2009 ਵਿੱਚ 69.78%, 2014 ਵਿੱਚ 70.89% ਅਤੇ 2019 ਵਿੱਚ 65.96% ਸੀ। 1977 ਤੋਂ ਹੁਣ ਤੱਕ 2014 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਪੰਜਾਬ ਵਿੱਚ ਸਭ ਤੋਂ ਵੱਧ ਮਤਦਾਨ ਮਾਨਸਾ ਵਿੱਚ 70.89 ਫੀਸਦੀ ਰਿਹਾ। ਬਠਿੰਡਾ ਸੀਟ ‘ਤੇ ਸਭ ਤੋਂ ਵੱਧ 87.97 ਫੀਸਦੀ ਅਤੇ ਅੰਮ੍ਰਿਤਸਰ ਸੀਟ ‘ਤੇ ਸਭ ਤੋਂ ਘੱਟ 54.02 ਫੀਸਦੀ ਵੋਟਿੰਗ ਹੋਈ। ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਗ੍ਰਹਿ ਹਲਕੇ ਸੰਗਰੂਰ ਵਿੱਚ 2019 ਦੇ ਮੁਕਾਬਲੇ 8.01 ਫੀਸਦੀ ਘੱਟ ਵੋਟਿੰਗ ਦਰਜ ਕੀਤੀ ਗਈ ਹੈ।