ਚੇਨਈ ਸੁਪਰ ਕਿੰਗਜ਼ ਨੇ ਘੱਟ ਸਕੋਰ ਵਾਲੇ ਮੈਚ ਵਿੱਚ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ 7 ਵਿਕਟਾਂ ਨਾਲ ਹਰਾ ਦਿੱਤਾ ਹੈ। ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਪਹਿਲਾਂ ਖੇਡਦੇ ਹੋਏ 137 ਦੌੜਾਂ ਬਣਾਈਆਂ ਸਨ, ਦੂਜੇ ਪਾਸੇ ਟੀਚੇ ਦਾ ਪਿੱਛਾ ਕਰਦੇ ਹੋਏ ਸੀਐਸਕੇ ਦੇ ਬੱਲੇਬਾਜ਼ਾਂ ਨੇ ਇੱਕ ਪਾਸੇ ਵਿਕਟਾਂ ਨੂੰ ਹੱਥ ਵਿੱਚ ਰੱਖਿਆ ਅਤੇ ਦੂਜੇ ਪਾਸੇ ਸਕੋਰ ਬੋਰਡ ਨੂੰ ਜਾਰੀ ਰੱਖਿਆ। ਚੇਨਈ ਨੇ ਇਹ ਮੈਚ 14 ਗੇਂਦਾਂ ਬਾਕੀ ਰਹਿੰਦਿਆਂ ਜਿੱਤ ਲਿਆ ਅਤੇ ਕਪਤਾਨ ਰੁਤੂਰਾਜ ਗਾਇਕਵਾੜ ਦੇ 67 ਦੌੜਾਂ ਦੇ ਨਾਬਾਦ ਅਰਧ ਸੈਂਕੜੇ ਨੇ ਇਸ ਜਿੱਤ ਵਿੱਚ ਅਹਿਮ ਭੂਮਿਕਾ ਨਿਭਾਈ। KKR ਨੇ IPL 2024 ਵਿੱਚ ਲਗਾਤਾਰ 3 ਜਿੱਤਾਂ ਦਰਜ ਕੀਤੀਆਂ ਸਨ, ਪਰ CSK ਮੌਜੂਦਾ ਸੀਜ਼ਨ ਵਿੱਚ ਉਨ੍ਹਾਂ ਨੂੰ ਹਰਾਉਣ ਵਾਲੀ ਪਹਿਲੀ ਟੀਮ ਬਣ ਗਈ ਹੈ। ਉਥੇ ਹੀ ਚੇਨਈ ਨੇ ਲਗਾਤਾਰ 2 ਹਾਰਾਂ ਝੱਲਣ ਤੋਂ ਬਾਅਦ ਆਪਣੀ ਜਿੱਤ ਦਾ ਸਿਲਸਿਲਾ ਮੁੜ ਕਾਇਮ ਕਰ ਲਿਆ ਹੈ।
