ਆਕਲੈਂਡ ਦਾ ਯਾਤਰੀ ਰੇਲ ਨੈੱਟਵਰਕ ਸੁਧਾਰ ਅਤੇ ਰੱਖ-ਰਖਾਅ ਦੇ ਕੰਮ ਲਈ ਗਰਮੀਆਂ ਵਿੱਚ ਦੋ ਹਫ਼ਤਿਆਂ ਲਈ ਬੰਦ ਰਹੇਗਾ। ਇਹ ਬੰਦ ਬਾਕਸਿੰਗ ਡੇ ਤੋਂ ਲੈ ਕੇ 14 ਜਨਵਰੀ ਤੱਕ ਚੱਲੇਗਾ ਅਤੇ ਇਹ ਸਾਲਾਨਾ ਨੈੱਟਵਰਕ ਬੰਦ ਦਾ ਹਿੱਸਾ ਹੈ। ਕੀਵੀਰੇਲ ਪੂਰੇ ਸ਼ਹਿਰ ਵਿੱਚ 89 ਸਾਈਟਾਂ ‘ਤੇ 1800 ਲੋਕਾਂ ਦੇ ਟਰੈਕਾਂ ‘ਤੇ ਕੰਮ ਕਰਨ ਦੀ ਉਮੀਦ ਕਰ ਰਹੀ ਹੈ।
ਕੀਵੀਰੇਲ ਦੇ ਮੁੱਖ ਪੂੰਜੀ ਯੋਜਨਾ ਅਤੇ ਸੰਪਤੀ ਵਿਕਾਸ ਅਧਿਕਾਰੀ ਡੇਵਿਡ ਗੋਰਡਨ ਨੇ ਕਿਹਾ ਕਿ ਕ੍ਰਿਸਮਸ-ਨਵੇਂ ਸਾਲ ਦੀ ਛੁੱਟੀ ਪ੍ਰੋਜੈਕਟਾਂ ਨੂੰ ਨੇਪਰੇ ਚਾੜ੍ਹਨ ਦਾ ਸਭ ਤੋਂ ਵਧੀਆ ਮੌਕਾ ਸੀ, ਜਦੋਂ ਬਹੁਤ ਸਾਰੇ ਲੋਕ ਆਉਣ-ਜਾਣ ਨਹੀਂ ਕਰ ਰਹੇ ਸਨ। ਵੈਸਟਰਨ ਲਾਈਨ ‘ਤੇ ਵਾਧੂ ਕੰਮ ਹੋਵੇਗਾ, ਜੋ 19 ਤੋਂ 21 ਜਨਵਰੀ ਤੱਕ ਦੁਬਾਰਾ ਬੰਦ ਰਹੇਗਾ।