ਵੀਰਵਾਰ ਨੂੰ ਆਕਲੈਂਡ ਦੇ CBD ਵਿੱਚ ਗੈਸ ਲੀਕ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਜਿਸ ਕਾਰਨ Fire and Emergency ਵਿਭਾਗ ਨੇ ਆਕਲੈਂਡ CBD ਵਿੱਚ ਲੋਕਾਂ ਨੂੰ ਸਾਰੀਆਂ ਖਿੜਕੀਆਂ ਅਤੇ ਦਰਵਾਜ਼ੇ ਬੰਦ ਕਰਨ ਦੀ ਹਦਾਇਤ ਕੀਤੀ ਸੀ ਅਤੇ ਗੈਸ ਲੀਕ ਦੇ ਦੌਰਾਨ ਘਰ ਖਾਲੀ ਕਰਨ ਲਈ ਤਿਆਰ ਰਹਿਣ ਬਾਰੇ ਵੀ ਚਿਤਾਵਨੀ ਭੇਜੀ ਸੀ। ਕਸਟਮ ਸਟ੍ਰੀਟ ਈਸਟ ਅਤੇ ਗੋਰ ਸਟਰੀਟ ਦੇ ਚੌਰਾਹੇ ‘ਤੇ ਐਮਰਜੈਂਸੀ ਸੇਵਾਵਾਂ ਗੈਸ ਲੀਕ ਹੋਣ ਵਾਲੇ ਸਥਾਨ ‘ਤੇ ਪਹੁੰਚ ਗਈਆਂ ਸਨ। ਜਿਸ ਮਗਰੋਂ ਹੁਣ ਲੀਕ ਹੋ ਰਹੀ ਗੈਸ ‘ਤੇ ਕਾਬੂ ਪਾ ਲਿਆ ਗਿਆ ਹੈ।
ਰਿਪੋਰਟਾਂ ਅਨੁਸਾਰ ਕਸਟਮ ਸਟ੍ਰੀਟ ਈਸਟ ਅਤੇ ਗੋਰ ਸਟਰੀਟ ਦੇ ਇੰਟਰਸੈਕਸ਼ਨ ‘ਤੇ ਇੱਕ ਮੈਨਹੋਲ ਵਿੱਚੋਂ ਲੀਕੇਜ ਹੋ ਰਹੀ ਸੀ। ਗੈਸ ਖੋਜਣ ਵਾਲੇ ਉਪਕਰਣਾਂ ਵਾਲੇ ਚਾਰ ਕਰਮਚਾਰੀ ਖੇਤਰ ‘ਚ ਉਤਰੇ ਸਨ ਜਿਸ ਤੋਂ ਬਾਅਦ ਲੀਕ ਨੂੰ ਸਫਲਤਾਪੂਰਵਕ ਬੰਦ ਕਰ ਦਿੱਤਾ ਗਿਆ। ਹਾਲਾਂਕਿ ਗੈਸ ਖੋਜ ਉਪਕਰਣਾਂ ਦੀ ਵਰਤੋਂ ਇਹ ਯਕੀਨੀ ਬਣਾਉਣ ਲਈ ਕੀਤੀ ਜਾ ਰਹੀ ਹੈ ਕਿ ਇਮਾਰਤਾਂ ਵਿੱਚ ਦਾਖਲ ਹੋਣਾ ਹੁਣ ਸੁਰੱਖਿਅਤ ਹੈ ਜਾ ਨਹੀਂ। ਬਰੈਂਡਨ Nally ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ, “ਸੜਕਾਂ ਬੰਦ ਰਹਿਣਗੀਆਂ, ਅਤੇ ਅਸੀਂ ਲੋਕਾਂ ਨੂੰ ਖੇਤਰ ਤੋਂ ਬਚਣ ਲਈ ਕਹਿੰਦੇ ਹਾਂ।”