ਮਿਗੋਸ ਦੇ ਤੀਜੇ ਮੈਂਬਰ ਰੈਪਰ ਟੇਕਆਫ ਦੀ 28 ਸਾਲ ਦੀ ਉਮਰ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਹੈ। ਟੇਕਆਫ ਦੇ ਨਾਲ ਉਸ ਦੇ ਦੋ ਸਾਥੀ ਕੁਆਵੋ ਅਤੇ ਆਫਸੈੱਟ ਵੀ ਮੌਜੂਦ ਸਨ। 28 ਸਾਲਾ ਰੈਪਰ ਟੇਕਆਫ ਦਾ ਅਸਲੀ ਨਾਂ ਕਿਰਸ਼ਨਿਕ ਖਰੀ ਬੱਲ ਸੀ। ਹਿਊਸਟਨ ਵਿੱਚ ਟੇਕਆਫ ਬੋਲਿੰਗ ਕਰ ਰਿਹਾ ਸੀ। ਤੜਕੇ 2.30 ਵਜੇ ਜਦੋਂ ਹਾਦਸਾ ਵਾਪਰਿਆ ਤਾਂ ਤਿੰਨੋਂ ਇਕੱਠੇ ਸਨ। ਜਾਣਕਾਰੀ ਮੁਤਾਬਿਕ ਟੇਕਆਫ ਦੀ ਉਸੇ ਸਮੇਂ ਮੌਤ ਹੋ ਗਈ। ਬਾਕੀ ਦੋ ਰੈਪਰਾਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਇਹ ਕਿਹਾ ਜਾ ਰਿਹਾ ਹੈ, ਕੁਆਵੋ ਪਹਿਲਾਂ ਨਾਲੋਂ ਬਿਹਤਰ ਹੈ, ਪਰ ਆਫਸੈੱਟ ਗੰਭੀਰ ਹਨ। ਸੋਸ਼ਲ ਮੀਡੀਆ ‘ਤੇ ਪ੍ਰਸ਼ੰਸਕ ਅਤੇ ਸ਼ੁਭਚਿੰਤਕ ਰੈਪਰ ਟੇਕਆਫ ਦੀ ਮੌਤ ‘ਤੇ ਸੋਗ ਜਤਾ ਰਹੇ ਹਨ। ਬਾਕਸਰ ਕ੍ਰਿਸ ਯੂਬੈਂਕਸ ਜੂਨੀਅਰ ਨੇ ਰੈਪਰ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਲਿਖਿਆ ਕਿ ਮੈਨੂੰ ਯਾਦ ਹੈ ਕਿ ਟੇਕਆਫ ਕਿੰਨਾ ਜ਼ਮੀਨ ਨਾਲ ਜੁੜਿਆ ਹੋਇਆ ਇਨਸਾਨ ਸੀ। ਕਾਫੀ ਠੰਡਾ ਯਾਰ ਸੀ। ਮੈਂ ਵਿਸ਼ਵਾਸ ਨਹੀਂ ਕਰ ਸਕਦਾ ਕਿ ਮੈਂ ਇਹ ਲਿਖ ਰਿਹਾ ਹਾਂ। ਇੱਕ ਹੋਰ ਬਲੈਕ ਸਟਾਰ ਨੂੰ ਬਿਨਾਂ ਕਾਰਨ ਗੋਲੀ ਮਾਰ ਕੇ ਮਾਰ ਦਿੱਤਾ ਗਿਆ। ਉਦਯੋਗ ਵਿੱਚ ਚੀਜ਼ਾਂ ਨੂੰ ਅਸਲ ਵਿੱਚ ਬਦਲਣ ਦੀ ਜ਼ਰੂਰਤ ਹੈ।
ਰੈਪਰ ਟੇਕਆਫ ਦਾ ਜਨਮ 1994 ਵਿੱਚ ਜਾਰਜੀਆ ਵਿੱਚ ਹੋਇਆ ਸੀ। ਟੇਕਆਫ ਨੇ ਆਫਸੈੱਟ ਅਤੇ ਕੁਆਵੋ ਨਾਲ ਰੈਪ ਕਰਨਾ ਸ਼ੁਰੂ ਕੀਤਾ ਸੀ। ਇੱਕ ਉਸਦਾ ਚਾਚਾ ਅਤੇ ਦੂਜਾ ਉਸਦਾ ਚਚੇਰਾ ਭਰਾ ਹੈ। ਉਨ੍ਹਾਂ ਦੇ ਕਲੱਬ ਦਾ ਨਾਂ ਪੋਲੋ ਕਲੱਬ ਹੈ। ਉਨ੍ਹਾਂ ਨੇ ਇਸ ਦੀ ਸ਼ੁਰੂਆਤ ਸਾਲ 2008 ‘ਚ ਕੀਤੀ ਸੀ। ਸਾਲ 2011 ‘ਚ ਤਿੰਨਾਂ ਦੀ ‘ਜੁਗ ਸੀਜ਼ਨ’ ਰਿਲੀਜ਼ ਹੋਈ। ਉਨ੍ਹਾਂ ਨੇ ‘ਮਿਗੋਸ’ ਮਿਕਸਟੇਪ ਬਣਾ ਕੇ ਆਪਣੀ ਸ਼ੁਰੂਆਤ ਕੀਤੀ ਸੀ। ਇਸ ਤੋਂ ਬਾਅਦ ਸਾਲ 2013 ‘ਚ ਉਨ੍ਹਾਂ ਦੀ ਐਲਬਮ ‘ਵਰਸੇਸ’ ਰਿਲੀਜ਼ ਹੋਈ। ਇਹ ਕਾਫੀ ਹਿੱਟ ਹੋ ਗਈ ਸੀ। ਰੈਪਰ ਡਰੇਕ ਨੇ ਵੀ ਤਿੰਨਾਂ ਨਾਲ ਕੰਮ ਕਰਨ ਦੀ ਇੱਛਾ ਜਾਹਿਰ ਕੀਤੀ ਸੀ। ਉੱਥੇ ਹੀ ਰੈਪਰਜ਼ ਟੇਕਆਫ, ਕੁਆਵੋ ਅਤੇ ਆਫਸੈੱਟ ਦਾ ਗੀਤ ‘ਮੇਸੀ’ 19 ਘੰਟੇ ਪਹਿਲਾਂ ਰਿਲੀਜ਼ ਹੋਇਆ ਹੈ। ਇਸ ਨੂੰ ਹੁਣ ਤੱਕ 4 ਲੱਖ ਤੋਂ ਵੱਧ ਵਿਊਜ਼ ਮਿਲ ਚੁੱਕੇ ਹਨ।