ਪਾਕਿਸਤਾਨੀ ਅਦਾਕਾਰ ਫਿਰੋਜ਼ ਖਾਨ ‘ਤੇ ਉਨ੍ਹਾਂ ਦੀ ਪਤਨੀ ਅਲੀਜ਼ਾ ਸੁਲਤਾਨ ਨੇ ਘਰੇਲੂ ਹਿੰਸਾ ਦਾ ਦੋਸ਼ ਲਗਾਇਆ ਹੈ। ਫਿਰੋਜ਼ ਪਾਕਿਸਤਾਨੀ ਉਦਯੋਗ ਵਿੱਚ ਇੱਕ ਜਾਣਿਆ-ਪਛਾਣਿਆ ਅਦਾਕਾਰ ਹੈ ਅਤੇ ਭਾਰਤ ਵਿੱਚ ਵੀ ਫਿਰੋਜ਼ ਦੀ ਕਾਫੀ ਫੈਨ ਫੌਲੋਵਿੰਗ ਹੈ। ਫਿਰੋਜ਼ ਦੀ ਸਾਬਕਾ ਪਤਨੀ ਨੇ ਕੁੱਟਮਾਰ ਅਤੇ ਜ਼ਖਮਾਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕਰਕੇ ਇਨਸਾਫ ਦੀ ਗੁਹਾਰ ਲਗਾਈ ਹੈ। ਇੱਥੇ ਦੱਸ ਦੇਈਏ ਕਿ ਪਾਕਿਸਤਾਨੀ ਸਿਨੇਮਾ ‘ਚ ਫਿਰੋਜ਼ ਖਾਨ ਦੇ ਕੋ-ਸਟਾਰ ਵੀ ਅਦਾਕਾਰ ਦੇ ਖਿਲਾਫ ਖੜ੍ਹੇ ਨਜ਼ਰ ਆ ਰਹੇ ਹਨ। ਸੁਪਰਹਿੱਟ ਡਰਾਮਾ ‘ਖੁਦਾ ਔਰ ਮੁਹੱਬਤ’ ‘ਚ ਫਿਰੋਜ਼ ਖਾਨ ਨਾਲ ਕੰਮ ਕਰਨ ਵਾਲੀ ਅਦਾਕਾਰਾ ਇਕਰਾ ਅਜ਼ੀਜ਼ ਨੇ ਸੋਸ਼ਲ ਮੀਡੀਆ ‘ਤੇ ਫਿਰੋਜ਼ ਖਾਨ ਖਿਲਾਫ ਇੱਕ ਪੋਸਟ ਲਿਖੀ ਹੈ।
ਇਕਰਾ ਅਜ਼ੀਜ਼ ਅਤੇ ਫਿਰੋਜ਼ ਖਾਨ ਪਾਕਿ ਦੇ ਸੁਪਰਹਿੱਟ ਡਰਾਮੇ ‘ਖੁਦਾ ਔਰ ਮੁਹੱਬਤ’ ‘ਚ ਇਕੱਠੇ ਕੰਮ ਕਰ ਚੁੱਕੇ ਹਨ। ਇਸ ਦੌਰਾਨ ਇਕਰਾ ਨੇ ਅਦਾਕਾਰ ਦੇ ਨਾਲ ਆਪਣੇ ਨਵੇਂ ਪ੍ਰੋਜੈਕਟ ਨੂੰ ਖਤਮ ਕਰਨ ਦਾ ਐਲਾਨ ਕੀਤਾ ਹੈ। ਇੰਸਟਾਗ੍ਰਾਮ ‘ਤੇ ਅਧਿਕਾਰਤ ਬਿਆਨ ਜਾਰੀ ਕਰਦੇ ਹੋਏ ਇਕਰਾ ਨੇ ਔਰਤਾਂ ਵਿਰੁੱਧ ਹਿੰਸਾ ‘ਤੇ ਆਪਣਾ ਸਟੈਂਡ ਲੈਂਦੇ ਹੋਏ ਇਹ ਗੱਲ ਕਹੀ। ਇਕਰਾ ਨੇ ਲਿਖਿਆ- “ਬੇਇਨਸਾਫ਼ੀ ਦੇ ਸਮੇਂ ਚੁੱਪ ਰਹਿਣਾ ਆਪਣੇ ਆਪ ਹੀ ਤੁਹਾਨੂੰ ਅਪਰਾਧੀ ਦੇ ਪੱਖ ਵਿੱਚ ਕਰ ਦਿੰਦਾ ਹੈ, ਘਰੇਲੂ ਹਿੰਸਾ ਨਾਲ ਜੁੜੇ ਇਸ ਮਾਮਲੇ ਵਿੱਚ ਮੈਂ ਇੱਕ ਮੁਸ਼ਕਿਲ ਪਰ ਬਹੁਤ ਮਹੱਤਵਪੂਰਨ ਫੈਸਲਾ ਲਿਆ ਹੈ, ਮੈਂ ਫਿਰੋਜ਼ ਖਾਨ ਨਾਲ ਆਪਣਾ ਅਗਲਾ ਪ੍ਰੋਜੈਕਟ ਤੋੜ ਰਹੀ ਹਾਂ, ਇਹ ਫੈਸਲਾ ਪੀੜਤਾਂ ਦਾ ਸਮਰਥਨ ਕਰਨ ਲਈ ਹੈ। ਮੈਂ ਅਲੀਜ਼ੇਹ ਸੁਲਤਾਨ ਦਾ ਸਮਰਥਨ ਕਰਦੀ ਹਾਂ, ਜੋ ਨਿਆਂ ਦੀ ਮੰਗ ਕਰ ਰਹੀ ਹੈ, ਤੁਹਾਡੇ ਕੋਲ ਬਹੁਤ ਤਾਕਤ ਅਤੇ ਸ਼ਕਤੀ ਹੈ…”