ਸਿੱਧੂ ਮੂਸੇਵਾਲੇ ਤੋਂ ਬਾਅਦ ਕਰਨ ਔਜਲੇ ਦਾ ਵੱਡਾ ਧਮਾਕਾ, ਫੈਨਜ਼ ਦੀ ਉਡੀਕ ਖਤਮ ਕਰਦਿਆਂ ਡੈਬਿਊ ਐਲਬਮ ਦਾ ਪੋਸਟਰ ਕੀਤਾ ਰਿਲੀਜ਼

ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਵਿੱਚ ਇਸ ਸਮੇ Albums ਦਾ ਦੌਰ ਚੱਲ ਰਿਹਾ ਹੈ। ਐਲਬਮਾਂ ਦੇ ਦੌਰ ਦੌਰਾਨ ਇੰਝ ਜਾਪ ਰਿਹਾ ਹੈ ਕੇ ਕੋਈ ਵੀ ਗਾਇਕ ਇਸ ਟਰੈਂਡ ਤੋਂ ਪਿੱਛੇ ਨਹੀਂ ਰਹਿਣਾ ਚਾਹੁੰਦਾ। ਕਿਉਂਕ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਹਰ ਵੱਡੇ ਕਲਾਕਾਰ ਨੇ ਹੁਣ ਆਪਣੀਆਂ Albums ਰਿਲੀਜ਼ ਕਰਨ ਦੀਆਂ ਤਿਆਰੀਆਂ ਕਰ ਲਈਆਂ ਹਨ। ਇਸ ਦੌਰਾਨ ਹੁਣ ਆਪਣੇ ਗੀਤਾਂ ਰਾਹੀਂ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤਣ ਵਾਲੇ ਪੰਜਾਬੀ ਇੰਡਸਟਰੀ ਦੇ ਨਾਮੀ ਗਾਇਕ ਕਰਨ ਔਜਲਾ ਨੇ ਵੀ ਆਪਣੀ ਚਿਰਾਂ ਤੋਂ ਉਡੀਕੀ ਜਾ ਰਹੀ ਡੈਬਿਊ ਐਲਬਮ ਦਾ ਅੱਜ ਨਵਾਂ ਪੋਸਟਰ ਸਾਂਝਾ ਕਰ ਦਿੱਤਾ ਹੈ। ਕਰਨ ਔਜਲਾ ਦੀ ਇਸ ਐਲਬਮ ਦੀ ਉਡੀਕ ਪ੍ਰਸ਼ੰਸਕਾਂ ਵਲੋਂ ਬਹੁਤ ਬੇਸਬਰੀ ਨਾਲ ਕੀਤੀ ਜਾ ਰਹੀ ਹੈ।

ਇਸ ਪੋਸਟਰ ਨਾਲ ਕਰਨ ਔਜਲਾ ਨੇ ਐਲਬਮ ਦੇ ਗੀਤਾਂ ਦੀ ਲਿਸਟ ਜਾਰੀ ਕੀਤੀ ਹੈ। ਇੰਟਰੋ ਨੂੰ ਮਿਲਾ ਕੇ ਐਲਬਮ ’ਚ ਕੁੱਲ 13 ਟਰੈਕ ਹਨ। ਐਲਬਮ ਦਾ ਪਹਿਲਾ ਗੀਤ 8 ਜੁਲਾਈ ਨੂੰ ਰਿਲੀਜ਼ ਹੋਵੇਗਾ। ਕਰਨ ਔਜਲਾ ਨੇ ਐਲਬਮ ਦਾ ਪੋਸਟਰ ਸਾਂਝਾ ਕਰਦਿਆਂ ਇੱਕ ਕੈਪਸ਼ਨ ਵੀ ਲਿਖੀ ਹੈ। ਕਰਨ ਨੇ ਲਿਖਿਆ, ‘ਬਹੁਤ ਪਿਆਰ ਨਾਲ ਬਣਾਇਆ ਇਕੱਲਾ-ਇਕੱਲਾ ਗੀਤ, ਕਿਸੇ ਦੇ ਖ਼ਿਲਾਫ਼ ਜਾਂ ਕਿਸੇ ਦੇ ਮੁਕਾਬਲੇ ’ਚ ਨਹੀਂ ਲਿਖਿਆ ਕੋਈ ਵੀ ਗੀਤ ਤੇ ਨਾ ਹੀ ਕਦੇ ਲਿਖਦਾ। ਮੇਰੀ ਆਪਣੀ ਵੱਖਰੀ ਲੀਗ ਹੈ। ਬਾਕੀ ਸਭ ਤੁਹਾਡੇ ਹੱਥ ਤੇ ਉਸ ਮਾਲਕ ਦੇ। ਤਸੱਲੀ ਨਾਲ ਬੈਠੋ ਕਿਉਂਕਿ ਇਹ ਸ਼ੋਅ ਟਾਈਮ ਹੈ।’ ਦੱਸ ਦੇਈਏ ਕਿ ਕਰਨ ਔਜਲਾ ਨੇ ਆਪਣੀ ਇਸ ਐਲਬਮ ’ਚ ਹਰਜੀਤ ਹਰਮਨ ਤੇ ਗੁਰਲੇਜ ਅਖ਼ਤਰ ਵਰਗੇ ਦਿੱਗਜ ਕਲਾਕਾਰਾਂ ਨਾਲ ਵੀ ਕੋਲੈਬੋਰੇਸ਼ਨ ਕੀਤੀ ਹੈ।