ਆਸਕਰ ਐਵਾਰਡ ਸਮਾਰੋਹ ਵਿੱਚ ਵਿਲ ਸਮਿਥ ਨੇ ਕਾਮੇਡੀਅਨ ਕ੍ਰਿਸ ਰੌਕ ਨੂੰ ਥੱਪੜ ਮਾਰਿਆ ਸੀ। 94ਵੇਂ ਅਕੈਡਮੀ ਅਵਾਰਡ ਦੇ ਹੈਰਾਨ ਕਰਨ ਵਾਲੇ ਪਲ ਨੂੰ ਦੁਨੀਆ ਭਰ ਦੇ ਲੱਖਾਂ ਦਰਸ਼ਕਾਂ ਨੇ ਦੇਖਿਆ। ਹਰ ਕੋਈ ਹੈਰਾਨ ਸੀ। ਇਸ ਦੌਰਾਨ ਪ੍ਰੋਗਰਾਮ ‘ਚ ਮੌਜੂਦ ਕਈ ਮਸ਼ਹੂਰ ਹਸਤੀਆਂ ਚਿੰਤਾ ‘ਚ ਨਜ਼ਰ ਆਈਆਂ। ਦਰਅਸਲ ਇਸ ਘਟਨਾ ਤੋਂ ਬਾਅਦ ਸਮਾਗਮ ਦਾ ਲਾਈਵ ਪ੍ਰਸਾਰਣ ਕੁੱਝ ਸਮੇਂ ਲਈ ਰੋਕ ਦਿੱਤਾ ਗਿਆ ਸੀ। ਪਰ ਇਸ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋਣ ਲੱਗੀ। ਜਿਸ ਤੋਂ ਬਾਅਦ ਬਾਕਸਿੰਗ ਖੇਤਰ ‘ਚ ਸਨਸਨੀ ਬਣ ਕੇ ਉਭਰੇ ਯੂਟਿਊਬਰ ਜੇਕ ਪਾਲ ਨੇ ਦੋਵਾਂ ਸਿਤਾਰਿਆਂ ਵਿਚਾਲੇ ਮੈਚ ਕਰਵਾਉਣ ਦੀ ਪੇਸ਼ਕਸ਼ ਕੀਤੀ।
ਘਟਨਾ ਦੇ ਇੰਟਰਨੈੱਟ ‘ਤੇ ਵਾਇਰਲ ਹੋਣ ਤੋਂ ਬਾਅਦ, ‘ਦਿ ਇੰਪ੍ਰੈਕਟੀਕਲ ਜੋਕਰਸ’ ਲਈ ਮਸ਼ਹੂਰ ਅਭਿਨੇਤਾ ਸੈਲ ਵੁਲਕਾਨੋ ਨੇ ਆਪਣੇ ਅਧਿਕਾਰਤ ਟਵਿੱਟਰ ਹੈਂਡਲ ‘ਤੇ ਆਪਣੇ ਫਾਲੋਅਰਜ਼ ਨੂੰ ਇਹ ਅੰਦਾਜ਼ਾ ਲਗਾਉਣ ਲਈ ਕਿਹਾ ਕਿ ਜੇਕ ਪੌਲ ਸਮਿਥ ਅਤੇ ਦ ਰੌਕ ਵਿਚਾਲੇ ਮੈਚ ਲਈ ਕਿੰਨਾ ਭੁਗਤਾਨ ਕਰਨਗੇ? ਅਭਿਨੇਤਾ ਨੇ ਲਿਖਿਆ, “ਜੇਕ ਪੌਲ ਇੱਕ ਮੁੱਕੇਬਾਜ਼ੀ ਪੀਪੀਵੀ ਲਈ ਕ੍ਰਿਸ ਰੌਕ ਅਤੇ ਵਿਲ ਸਮਿਥ ਨੂੰ ਕਿੰਨੀ ਪੇਸ਼ਕਸ਼ ਕਰਨਗੇ?”
ਜਿਸ ਤੋਂ ਬਾਅਦ 25 ਸਾਲਾ ਯੂਟਿਊਬਰ ਨੇ ਬਾਕਸਿੰਗ ਮੈਚ ਲਈ ਸਮਿਥ ਅਤੇ ਰੌਕ ਦੋਵਾਂ ਨੂੰ 114 ਕਰੋੜ ਰੁਪਏ ਦੇਣ ਦੀ ਪੇਸ਼ਕਸ਼ ਕੀਤੀ ਹੈ। ਉਸ ਨੇ ਆਪਣੇ ਅੰਡਰਕਾਰਡ ‘ਤੇ ਮੈਚ ਦੀ ਤਰੀਕ ਦਾ ਸੁਝਾਅ ਵੀ ਦਿੱਤਾ ਹੈ। ਜੇਕ ਪਾਲ ਨੇ ਲਿਖਿਆ, ”ਮੈਂ ਵਿਲ ਸਮਿਥ ਅਤੇ ਕ੍ਰਿਸ ਰੌਕ ਨੂੰ 114-114 ਕਰੋੜ ਰੁਪਏ ਦੇਣ ਲਈ ਤਿਆਰ ਹਾਂ। ਚਲੋ ਇਹ ਅਗਸਤ ਵਿੱਚ ਕਰੀਏ ਜੋ ਮੇਰੇ ਅੰਡਰਕਾਰਡ ‘ਤੇ ਹੈ।”