ਰੂਸ ਦੇ ਹਮਲੇ ਵਿਚਾਲੇ ਯੂਕਰੇਨ ‘ਚ ਗੂਗਲ ਸਰਵਿਸ ਹੋਈ ਪ੍ਰਭਾਵਿਤ, ਜੀ-ਮੇਲ ਤੇ ਯੂਟਿਊਬ ਐਕਸੈਸ ਕਰਨ ‘ਚ ਆ ਰਹੀ ਹੈ ਦਿੱਕਤ

ਯੂਕਰੇਨ ਵਿੱਚ ਹਾਲਾਤ ਲਗਾਤਾਰ ਵਿਗੜਦੇ ਜਾ ਰਹੇ ਹਨ, ਰੂਸ ਪਿਛਲੇ ਇੱਕ ਹਫ਼ਤੇ ਤੋਂ ਯੂਕਰੇਨ ਉੱਤੇ ਜ਼ੋਰਦਾਰ ਹਮਲੇ ਕਰ ਰਿਹਾ ਹੈ। ਜਿਸ ਵਿੱਚ ਯੂਕਰੇਨ ਦੇ ਕਈ ਸ਼ਹਿਰਾਂ ਵਿੱਚ ਬਹੁਤ ਨੁਕਸਾਨ ਹੋਇਆ ਹੈ ਅਤੇ ਸੈਂਕੜੇ ਲੋਕਾਂ ਦੀ ਮੌਤ ਵੀ ਹੋ ਚੁੱਕੀ ਹੈ। ਹੁਣ ਦੱਸਿਆ ਗਿਆ ਹੈ ਕਿ ਯੂਕਰੇਨ ‘ਚ ਗੂਗਲ ਦੀਆਂ ਸੇਵਾਵਾਂ ‘ਤੇ ਵੀ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਲੋਕ ਇੱਥੇ ਗੂਗਲ ਦੀਆਂ ਸਾਰੀਆਂ ਸੇਵਾਵਾਂ ਤੱਕ ਪਹੁੰਚ ਕਰਨ ਦੇ ਯੋਗ ਨਹੀਂ ਹਨ।

ਇਹ ਜਾਣਕਾਰੀ ਰੂਸੀ ਸਰਕਾਰ ਨਾਲ ਜੁੜੇ ਇੱਕ ਮੀਡੀਆ ਹਾਊਸ ਨੇ ਦਿੱਤੀ ਹੈ। ਜਿਸ ‘ਚ ਕਿਹਾ ਗਿਆ ਹੈ ਕਿ ਯੂਕਰੇਨ ‘ਚ ਗੂਗਲ ਸਰਵਿਸ ਡਾਊਨ ਹੈ, ਇੱਥੇ ਲੋਕ ਆਪਣੇ ਜੀ-ਮੇਲ ਅਕਾਊਂਟ ਨੂੰ ਐਕਸੈਸ ਨਹੀਂ ਕਰ ਪਾ ਰਹੇ ਹਨ। ਅਤੇ ਯੂਟਿਊਬ ਵੀ ਕੰਮ ਨਹੀਂ ਕਰ ਰਿਹਾ ਹੈ। ਹਾਲਾਂਕਿ ਇਸ ‘ਚ ਸਥਾਨਕ ਮੀਡੀਆ ਰਿਪੋਰਟਾਂ ਦਾ ਹਵਾਲਾ ਦਿੱਤਾ ਗਿਆ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਰੂਸ ਨੇ ਆਪਣੇ ਇੱਕ ਹਮਲੇ ਵਿੱਚ ਯੂਕਰੇਨ ਵਿੱਚ ਇੱਕ ਟੀਵੀ ਟਾਵਰ ਨੂੰ ਉਡਾ ਦਿੱਤਾ ਸੀ। ਇਸ ਹਮਲੇ ਤੋਂ ਬਾਅਦ ਯੂਕਰੇਨ ਦੇ ਕਈ ਟੀਵੀ ਚੈਨਲਾਂ ਦਾ ਪ੍ਰਸਾਰਣ ਪ੍ਰਭਾਵਿਤ ਹੋਇਆ ਹੈ। ਹਮਲੇ ਤੋਂ ਬਾਅਦ ਰੂਸ ਨੇ ਕਿਹਾ ਕਿ ਅਜਿਹਾ ਸੰਚਾਰ ਬੰਦ ਕਰਨ ਲਈ ਕੀਤਾ ਗਿਆ ਸੀ। ਰੂਸ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਦਾ ਹਮਲਾ ਰਿਹਾਇਸ਼ੀ ਇਲਾਕਿਆਂ ‘ਚ ਨਹੀਂ ਹੋ ਰਿਹਾ ਸੀ। ਪਰ ਟੀਵੀ ਟਾਵਰ ‘ਤੇ ਹੋਏ ਇਸ ਹਮਲੇ ‘ਚ 5 ਲੋਕਾਂ ਦੀ ਮੌਤ ਹੋ ਗਈ ਸੀ। ਇਸੇ ਤਰ੍ਹਾਂ ਦੇ ਹਮਲੇ ਖਾਰਕੀਵ, ਰਾਜਧਾਨੀ ਕੀਵ ਅਤੇ ਰੂਸ ਵਿਚ ਹੋਰ ਥਾਵਾਂ ‘ਤੇ ਹੋ ਰਹੇ ਹਨ। ਜਿਸ ਵਿੱਚ ਹਰ ਰੋਜ਼ ਕਈ ਲੋਕ ਆਪਣੀ ਜਾਨ ਗੁਆ ​​ਰਹੇ ਹਨ।