ਸ਼ੁੱਕਰਵਾਰ ਨੂੰ ਕਮਿਊਨਿਟੀ ਵਿੱਚ ਕੋਵਿਡ -19 ਦੇ 198 ਨਵੇਂ ਮਾਮਲੇ ਸਾਹਮਣੇ ਆਏ ਹਨ, ਸਿਹਤ ਮੰਤਰਾਲੇ ਨੇ ਇੰਨ੍ਹਾਂ ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਹੈ। ਨਵੇਂ ਕੇਸਾਂ ਵਿੱਚੋਂ, 152 ਆਕਲੈਂਡ ਵਿੱਚ, 30 ਵਾਈਕਾਟੋ ਵਿੱਚ, ਪੰਜ ਨੌਰਥਲੈਂਡ ਵਿੱਚ, ਛੇ ਬੇਅ ਆਫ਼ ਪਲੈਂਟੀ ਵਿੱਚ, ਦੋ ਲੇਕਸ ਡਿਸਟ੍ਰਿਕਟ ਵਿੱਚ, ਇੱਕ ਕੈਂਟਰਬਰੀ ਵਿੱਚ, ਇੱਕ ਮਿਡ ਸੈਂਟਰਲ ਵਿੱਚ ਅਤੇ ਇੱਕ ਵਾਇਰਾਰਾਪਾ ਵਿੱਚ ਦਰਜ ਕੀਤਾ ਗਿਆ ਹੈ। ਇਸ ਡੈਲਟਾ ਪ੍ਰਕੋਪ ਦੇ ਕੁੱਲ ਕੇਸਾਂ ਦੀ ਗਿਣਤੀ ਹੁਣ 6532 ਹੋ ਗਈ ਹੈ, ਜਿਨ੍ਹਾਂ ਵਿੱਚੋਂ 2232 ਠੀਕ ਹੋ ਚੁੱਕੇ ਹਨ।
ਉੱਥੇ ਹੀ ਹਸਪਤਾਲ ਵਿੱਚ ਕੋਵਿਡ -19 ਦੇ 76 ਮਰੀਜ਼ ਹਨ, ਜਿਨ੍ਹਾਂ ਵਿੱਚੋਂ ਦੋ ਦਾ ਮੁਲਾਂਕਣ ਕੀਤਾ ਜਾ ਰਿਹਾ ਹੈ, ਜਿਸ ਵਿੱਚ ਛੇ ਇੰਟੈਂਸਿਵ ਕੇਅਰ ਜਾਂ ਉੱਚ ਨਿਰਭਰਤਾ ਯੂਨਿਟ ਅਧੀਨ ਹਨ। ਆਕਲੈਂਡ ਸਿਟੀ ਹਸਪਤਾਲ ਵਿੱਚ 28, ਮਿਡਲਮੋਰ ਹਸਪਤਾਲ ਵਿੱਚ 26, ਨੌਰਥ ਸ਼ੋਰ ਹਸਪਤਾਲ ਵਿੱਚ 18 ਅਤੇ ਵੈਟਾਕੇਰੇ, ਵੰਗਾਰੇਈ ਅਤੇ ਵਾਈਕਾਟੋ ਹਸਪਤਾਲਾਂ ਵਿੱਚ ਇੱਕ-ਇੱਕ ਮਰੀਜ਼ ਹੈ। ਹਸਪਤਾਲ ਵਿੱਚ ਕੋਵਿਡ-19 ਵਾਲੇ ਲੋਕਾਂ ਦੀ ਔਸਤ ਉਮਰ 50 ਸਾਲ ਹੈ। ਮਹਾਂਮਾਰੀ ਸ਼ੁਰੂ ਹੋਣ ਤੋਂ ਬਾਅਦ ਨਿਊਜ਼ੀਲੈਂਡ ਵਿੱਚ ਕੋਵਿਡ -19 ਦੇ ਕੁੱਲ ਪੁਸ਼ਟੀ ਕੀਤੇ ਕੇਸਾਂ ਦੀ ਗਿਣਤੀ ਹੁਣ 9290 ਹੋ ਗਈ ਹੈ।