ਕੋਵਿਡ -19 ਕਮਿਊਨਿਟੀ ਕੇਸਾਂ ਵਿੱਚ ਗਿਰਾਵਟ ਜਾਰੀ ਹੈ, ਪਿਛਲੇ ਹਫ਼ਤੇ ਦੇਸ਼ ਵਿੱਚ 13,880 ਨਵੇਂ ਕੇਸ ਸਾਹਮਣੇ ਆਏ ਹਨ। ਇਹ ਸੰਖਿਆ ਸੋਮਵਾਰ, 16 ਜਨਵਰੀ ਤੋਂ ਐਤਵਾਰ, 22 ਜਨਵਰੀ ਤੱਕ ਦੇ ਹਫ਼ਤੇ ਨੂੰ ਕਵਰ ਕਰਦੀ ਹੈ। ਐਤਵਾਰ ਦੀ ਅੱਧੀ ਰਾਤ ਤੱਕ, ਵਾਇਰਸ ਕਾਰਨ ਹਸਪਤਾਲ ਵਿੱਚ 242 ਲੋਕ ਸਨ। ਸੱਤ ਲੋਕ ਇੰਟੈਂਸਿਵ ਕੇਅਰ ਜਾਂ ਉੱਚ ਨਿਰਭਰਤਾ ਯੂਨਿਟ ਅਧੀਨ ਸਨ। ਜਦਕਿ ਵਾਇਰਸ ਕਾਰਨ 79 ਹੋਰ ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ ਹੈ। ਦੱਸ ਦੇਈਏ ਜਾਨ ਗਵਾਉਣ ਵਾਲਿਆਂ ‘ਚ 50 ਔਰਤਾਂ ਅਤੇ 29 ਮਰਦ ਸਨ। ਮਰਨ ਵਾਲੇ 79 ਵਿਅਕਤੀਆਂ ਵਿੱਚੋਂ ਇੱਕ ਦੀ ਉਮਰ 10 ਸਾਲ ਤੋਂ ਘੱਟ ਸੀ, ਦੋ ਦੀ ਉਮਰ 20 ਦੇ ਦਹਾਕੇ ਵਿੱਚ ਸੀ।
ਕੋਵਿਡ-19 ਦੇ ਕਾਰਨ ਮੌਤ ਦੇ ਮੂਲ ਕਾਰਨ ਵਜੋਂ ਜਾਂ ਯੋਗਦਾਨ ਪਾਉਣ ਵਾਲੇ ਕਾਰਕ ਵਜੋਂ ਪੁਸ਼ਟੀ ਕੀਤੀਆਂ ਗਈਆਂ ਮੌਤਾਂ ਦੀ ਗਿਣਤੀ 2468 ਹੋ ਗਈ ਹੈ। ਕੇਸਾਂ ਦੀ ਸੱਤ ਦਿਨਾਂ ਦੀ ਰੋਲਿੰਗ ਔਸਤ 1979 ਹੈ। RAT ਨਤੀਜਿਆਂ ਦੀ ਸੱਤ ਦਿਨਾਂ ਦੀ ਰੋਲਿੰਗ ਔਸਤ 3592 ਹੈ।