ਪੁਲਿਸ ਪਿਛਲੇ ਹਫ਼ਤੇ ਆਕਲੈਂਡ ਦੇ ਪਾਪਾਕੁਰਾ ਵਿੱਚ ਹੋਏ ਇੱਕ ਹਾਦਸੇ ਦੀ ਜਾਂਚ ਕਰ ਰਹੀ ਹੈ, ਅਤੇ ਅੱਜ ਇਸ ਘਟਨਾ ਵਿੱਚ ਇੱਕ ਮਹੀਨੇ ਦੇ ਬੱਚੇ ਦੀ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਗਈ ਹੈ। ਪੋਰਚੈਸਟਰ ਰੋਡ ‘ਤੇ ਪਿਛਲੇ ਬੁੱਧਵਾਰ, 18 ਜਨਵਰੀ ਨੂੰ ਰਾਤ 10.42 ਵਜੇ ਦੇ ਕਰੀਬ ਇੱਕ ਵਾਹਨ ਅਤੇ ਹਲਕੇ ਟਰੱਕ ਵਿਚਕਾਰ ਹਾਦਸਾ ਵਾਪਰਿਆ ਸੀ। ਪੁਲਿਸ ਦੇ ਬੁਲਾਰੇ ਨੇ ਅੱਜ ਸਵੇਰੇ ਕਿਹਾ, “ਪੁਲਿਸ ਮੌਤ ਦੀ ਪੁਸ਼ਟੀ ਕਰ ਸਕਦੀ ਹੈ, ਰਾਤ ਨੂੰ ਹੋਈ ਮੌਤ ਜੋਹਨ ਆਇਓਨ ਦੀ ਸੀ ਜੋ ਇੱਕ ਮਹੀਨੇ ਦਾ ਬੱਚਾ ਸੀ। ਸਾਡੇ ਵਿਚਾਰ ਇਸ ਅਵਿਸ਼ਵਾਸ਼ਯੋਗ ਮੁਸ਼ਕਿਲ ਸਮੇਂ ਵਿੱਚ ਉਸਦੇ ਪਰਿਵਾਰ ਨਾਲ ਹਨ।” ਇਸ ਹਾਦਸੇ ਵਿੱਚ ਛੇ ਲੋਕ ਜ਼ਖ਼ਮੀ ਹੋ ਗਏ ਸਨ ਅਤੇ ਬੁਲਾਰੇ ਨੇ ਕਿਹਾ ਕਿ ਉਹ ਠੀਕ ਹੋ ਰਹੇ ਹਨ।
